વડોદરાના લોકલાડીલા સાંસદ અને પ્રદેશ ભાજપ યુવા મોરચાના પ્રમુખ ડો. હેમાંગભાઈ જોષી વિશ્વ સંગીત દિવસના અવસરે અનોખા અંદાજમાં જોવા મળ્યા હતા. સામાન્ય રીતે રાજકીય અને સામાજિક કાર્યક્રમોમાં સક્રિય રહેતા ડો. જોષી આ વખતે ભજનમય માહોલમાં ભજનપ્રેમીઓ વચ્ચે તલ્લીન થઈ ગયા હતા. કાર્યક્રમ દરમિયાન તેમણે ભાવપૂર્વક **‘જાગ... રે માલણ જાગ...!’**ની લલકાર સાથે ઉપસ્થિત ભજનરસિકોને મંત્રમુગ્ધ કરી દીધા હતા.

વિશ્વ સંગીત દિવસ નિમિત્તે આયોજિત આ ખાસ પ્રસંગે ડો. હેમાંગભાઈ જોષીએ માત્ર રાજકારણી તરીકે નહીં, પરંતુ સંસ્કાર, સંસ્કૃતિ અને સંગીત પ્રત્યેની તેમની લાગણીથી પણ લોકોના દિલ જીતી લીધા હતા. ભજનના સુર અને ભાવના સાથે જોડાયેલો આ પ્રસંગ ઉપસ્થિત લોકો માટે યાદગાર બની રહ્યો હતો. ભજનપ્રેમીઓએ પણ તેમના આ ભાવસભર અંદાજને વધાવી લીધો હતો અને સમગ્ર માહોલ ભક્તિરસથી ઓતપ્રોત બની ગયો હતો.

યુવા નેતા તરીકે ઓળખ ધરાવતા ડો. હેમાંગભાઈ જોષી હંમેશા Gen-Z અને યુવા પેઢી માટે સકારાત્મક સંદેશ આપતા રહ્યા છે. રાજકારણ સાથે ભારતીય સંસ્કૃતિ, સંગીત અને પરંપરાઓ પ્રત્યેનો લગાવ જાળવી રાખીને તેમણે યુવાનો માટે એક આદર્શ ઉદાહરણ પૂરું પાડ્યું છે. વિશ્વ સંગીત દિવસે બનેલી આ અનોખી ઘટના કેમેરામાં કેદ થઈ હતી અને હવે શહેરમાં ચર્ચાનો વિષય બની છે.

ડો. હેમાંગભાઈ જોષીનો આ ‘ભજનમય’ અંદાજ એ દર્શાવે છે કે જાહેર જીવનમાં સક્રિય વ્યક્તિ પણ સંસ્કૃતિ અને સંગીત સાથે ગાઢ રીતે જોડાઈ શકે છે. વિશ્વ સંગીત દિવસના અવસરે સર્જાયેલો આ પ્રસંગ વડોદરાની સાંસ્કૃતિક યાદોમાં એક ખાસ સ્થાન બનાવી ગયો છે.

Reporter: admin