લોકલ ક્રાઇમ બ્રાન્ચના સૂત્રોએ મંજુસર પોલીસ મથકની હદમાં વિદેશી શરાબના જથ્થા સાથે બે ઇસમોને ઝડપી પાડયા હતા.
એલ.સી.બી. ટીમ પેટ્રોલીંગમાં હતી દરમ્યાન બાતમી મળી હતી કે એક સફેદ કલરની બોલેરો પીકઅપ ગાડી નંબર MH 48 CQ 6079 માં પાર્સલના પેકીંગમાં ભારતીય બનાવટનો વિદેશી દારૂનો જથ્થો ભરેલો છે જે ગાડી એલ એન્ડ ટી કંપની પાછળ આવેલ સોસાયટીવાળા રોડ ઉપર જાય છે, જે બાતમીના આધારે એલ.સી.બી. ટીમ દ્વારા બંસી બેંકવેટ હોલ ત્રણ રસ્તા પાસે ગાડીની વોચમાં રહી બાતમીવાળી ગાડી આવતા તેને કોર્ડન કરી ઝડપી પાડી હતી. ગાડીમાં બે ઇસમો બેઠેલા હતા જેઓના નામઠામ પુછતા કૌશલ સંતોષ મરાઠે રહે. ચિનચની તા.જી.પાલગર (મહારાષ્ટ્ર) અને વાલ્કેશ્વર ભાગીનાથ દેવરે રહે. રૂમ-૧૦૩, કમલપ્રાન્ટ બિલ્ડીંગ, બોઇસર મચ્છી માર્કેટ, તા.જી.પાલગર (મહારાષ્ટ્ર) હોવાનું બહાર આવ્યું હતું.
જેઓને ઝડપી પાડી ગાડીમાં ચેક કરતા ભારતીય બનાવટના વિદેશી દારૂ મળી આવ્યો હતો. જે બહાર કાઢી ગણતરી કરતા વિદેશી દારૂની નાની મોટી બોટલ/બીયરના ટીન નંગ 876 કી.રૂ.92400/- તથા મોબાઇલ ફોન-2 રૂ.10000/- તથા ગાડી કી.રૂ.5,00,000/- મળી કુલ રૂ.6,02,400/- નો મુદ્દમાલ કબ્જે કરી પકડાયેલ બન્ને ઇસમો વિરૂધ્ધ કાયદેસરની કાર્યવાહી કરી મંજુસર પોલીસ સ્ટેશન પ્રોહી ગણનાપાત્ર કેસ રજીસ્ટર કરાવવામાં આવ્યો છે.
Reporter: News Plus
