ભરૂચ: અંકલેશ્વરમાં યોજાયેલ લોક ડાયરામાં જયેશ રાદડિયા ડોલર ઉડાડતા નજરે પડ્યા હતા. ડાયરામાં ડોલર ઉડાડતા જયેશ રાદડિયાનો વીડિયો પણ સોશિયલ મીડિયા પર વાઇરલ થયો છે. આ વીડિયો જોઈ લોકો અલગ-અલગ પ્રતિક્રિયા આપી રહ્યા છે.
ભરૂચ જિલ્લાના અંકલેશ્વર તાલુકામાં લોક ડાયરા કાર્યક્રમનું આયોજન કરવામાં આવ્યું હતું. આ લોક ડાયરા કાર્યક્રમમાં પૂર્વ મંત્રી અને IFFCO ડિરેક્ટર જયેશ રાદડિયાનો અલગ અંદાજ જોવા મળ્યો હતો. ડાયરા દરમિયાન જયેશ રાદડિયા અને તેમના ભાઈએ કલાકારો પર ડોલરનો વરસાદ કર્યો હતો. લોક ડાયરામાં મોટી સંખ્યામાં લોકો હાજર રહ્યા હતા. જયેશ રાદડિયા દ્વારા ડોલર ઉડાડ્યાનો વીડિયો પણ સોશિયલ મીડિયા પર વાઇરલ થયો છે.
જયેશ રાદડિયાના આ વીડિયો પર લોકો અલગ-અલગ પ્રતિક્રિયા આપી રહ્યા છે. જણાવી દઈએ કે, મે મહિનામાં IFFCO ના ડિરેક્ટર પદ માટે ચૂંટણી યોજાઈ હતી, જેમાં જયેશ રાદડિયાનો ભવ્ય વિજય થયો હતો. IFFCO ના ડિરેક્ટર પદ માટે જયેશ રાદડિયા અને બિપિન પટેલ વચ્ચે ચૂંટણી જંગ જામ્યો હતો, જેમાં જયેશ રાદડિયા નો વિજય થયો હતો.
Reporter: News Plus
