ડિજિટલ પેમેન્ટ પ્લેટફોર્મ Google Pay હવે માત્ર પૈસા ટ્રાન્સફર અને બિલ પેમેન્ટ સુધી મર્યાદિત નહીં રહે. ગૂગલે Google Payમાં Gemini AI આધારિત નવું 'Ask Google Pay' ફીચર લોન્ચ કર્યું છે, જે યુઝર્સને તેમના ખર્ચનું વિશ્લેષણ કરવા ઉપરાંત SIP, ટેક્સ, સેવિંગ્સ અને અન્ય નાણાકીય બાબતો અંગે સરળ માર્ગદર્શન આપશે.
કંપનીના જણાવ્યા અનુસાર, આ ફીચર હાલમાં ઓપ્ટ-ઇન મોડલ હેઠળ ઉપલબ્ધ કરાયું છે. એટલે કે, જે યુઝર્સ તેનો ઉપયોગ કરવા ઇચ્છે છે તેઓ પોતાની પસંદગીથી આ સુવિધા સક્રિય કરી શકશે.
'Ask Google Pay' ફીચર યુઝર્સની ટ્રાન્ઝેક્શન હિસ્ટ્રીનું AI દ્વારા વિશ્લેષણ કરીને જણાવશે કે સૌથી વધુ ખર્ચ કઈ કેટેગરીમાં થઈ રહ્યો છે. સાથે જ પૈસાનું વધુ અસરકારક આયોજન કેવી રીતે કરી શકાય તે અંગે પણ માર્ગદર્શન આપશે.
આ ઉપરાંત યુઝર્સ સેવિંગ્સ, ખર્ચ, ક્રેડિટ સ્કોર, SIP, ટેક્સ તેમજ વિવિધ નાણાકીય પ્રોડક્ટ્સ સંબંધિત પ્રશ્નો પણ સીધા AIને પૂછી શકશે અને સરળ ભાષામાં જવાબ મેળવી શકશે.
ગૂગલે જણાવ્યું છે કે આ નવું AI ફીચર 10 ભારતીય ભાષાઓમાં ઉપલબ્ધ કરવામાં આવ્યું છે, જેથી વધુને વધુ લોકો પોતાની ભાષામાં આર્થિક આયોજન અને નાણાકીય માહિતી સરળતાથી સમજી શકે.
નવી સુવિધાથી Google Pay માત્ર ડિજિટલ પેમેન્ટ એપ નહીં, પરંતુ વ્યક્તિગત નાણાકીય વ્યવસ્થાપન માટેનું સ્માર્ટ AI સહાયક બનવાની દિશામાં મહત્વપૂર્ણ પગલું ભરી રહ્યું છે.
Reporter: admin
