સુરત: સીટીમાં ફરી એકવાર ભીષણ આગ લાગી હતી. આ વખતે સિટી લાઈટ એરિયામાં નવનિર્મિત રુંગટા ઓસ્ટ્રિયા નામની બિલ્ડિંગના પાછળના ભાગમાં આગ લાગી હોવાની જાણકારી સામે આવી હતી.
આગ એટલી ભીષણ હતી કે દૂર દૂરથી ધૂમાડાના ગોટેગોટા ઉડતા દેખાઈ રહ્યા હતા. જેના પગલે અફરાતફરીની સ્થિતિ સર્જાઈ હતી. ફાયરબ્રિગેડની પાંચ ગાડીઓએ ઘટનાસ્થળે ધસી આવી આગ ઓલવવાના પ્રયાસ કર્યા હતા. માહિતી અનુસાર આગ નીચેના માળે લાગી હતી પરંતુ જોત જોતામાં આગ એટલી વિકરાળ બની કે તે આખી ઇમારતના અનેક માળને લપેટમાં લઈ ચૂકી હતી.
જેના પગલે અફરાતફરીનો માહોલ સર્જાયો હતો. ફાયરબ્રિગેડના જવાનોએ આગને કાબૂમાં લેવા ભારે મથામણ કરી હતી. કોમ્પલેક્સની પાછળના ભાગમાં પડેલા કચરાની આગ બિલ્ડિંગના અનેક માળ સુધી ફેલાઈ હોવાની માહિતી મળી રહી છે.
Reporter: admin
