રશિયા-યુક્રેન યુદ્ધ વચ્ચે રશિયા પાસેથી ક્રૂડ ઓઈલની ખરીદીના મુદ્દે ફિનલેન્ડે ભારતના વલણનું સમર્થન કર્યું છે. ફિનલેન્ડના પ્રવાસે ગયેલા ભારતના વિદેશ મંત્રી S. Jaishankar અને તેમના સમકક્ષ Elina Valtonenએ એક કાર્યક્રમ દરમિયાન આ મુદ્દે મહત્વપૂર્ણ નિવેદનો આપ્યા હતા.ફિનલેન્ડના વિદેશ મંત્રી એલિના વાલ્ટોને સ્પષ્ટ જણાવ્યું કે પશ્ચિમ દેશોએ રશિયન ક્રૂડ ઓઈલ પર જે ભાવ મર્યાદા નક્કી કરી હતી તેનો હેતુ તેલની ખરીદી સંપૂર્ણપણે બંધ કરવાનો નહોતો. તેમણે કહ્યું કે ભારતે આ મર્યાદા હેઠળ જ તેલની ખરીદી કરી છે અને પશ્ચિમ દેશોનો મૂળ આશય પણ એવો જ હતો.તેમણે વધુમાં જણાવ્યું કે પશ્ચિમ દેશોએ કોઈપણ દેશને રશિયા પાસેથી તેલ ખરીદતા રોક્યા નહોતા. ભાવ મર્યાદાનો મુખ્ય હેતુ વૈશ્વિક બજારમાં તેલનો પુરવઠો જાળવી રાખવાનો અને રશિયાની આવક મર્યાદિત કરવાનો હતો.કાર્યક્રમ દરમિયાન વિદેશ મંત્રી એસ. જયશંકરે પણ ભારતની ઊર્જા નીતિનો મજબૂત બચાવ કર્યો હતો. તેમણે જણાવ્યું કે ભારત ઊર્જાની ખરીદી રાજકીય દબાણને આધારે નહીં પરંતુ કિંમત અને ઉપલબ્ધતાને ધ્યાનમાં રાખીને કરે છે. ભારત માટે ઊર્જા સુરક્ષા સર્વોચ્ચ પ્રાથમિકતા છે.