નવી દિલ્હી :થોડા દિવસ પહેલા બિહારના જમુઈમાં નકલી આઈપીએસ મિથલેશની ધરપકડ કરવામાં આવી હતી. પોલીસના હાથે ઝડપાયા બાદ તેણે પોતાની આખી વાત કહી.
હવે ફરી એકવાર આ નકલી IPS હેડલાઇન્સમાં છે. મિથલેશ હવે આઈપીએસમાંથી સિંગર બની ગયો છે.નકલી IPS મિથિલેશે તેની કારકિર્દી વિશે અપડેટ આપતો એક વીડિયો શેર કર્યો છે. આ વીડિયોમાં તે પોતાના ગીતને પ્રમોટ કરતો દેખાઈ રહ્યો છે. તમને જણાવી દઈએ કે મિથિલેશનું ગીત યુટ્યુબ પર રિલીઝ થઈ ગયું છે. જેના પ્રમોશન માટે મિથિલેશે વધુ એક વીડિયો બનાવ્યો છે.
મિથિલેશની યુટ્યુબ ચેનલ પર લગભગ 11 હજાર સબસ્ક્રાઈબર્સ છે. તેના વીડિયોમાં તે ગીત જોવાની અપીલ કરતો જોવા મળી રહ્યો છે.જ્યારે મિથિલેશ નકલી આઈપીએસ બનીને નાસતો ફરતો પોલીસના હાથે ઝડપાઈ ગયો હતો. આ પછી તેને છોડી મૂકવામાં આવ્યો હતો. આ દરમિયાન તેણે કહ્યું હતું કે તે ડોક્ટર બનવા માંગે છે. તે હજુ ડોક્ટર નથી બન્યો પણ ગાયક બની ગયો છે. મિથિલેશના સપનાને જોતા લાગે છે કે ભવિષ્યમાં તે ડોક્ટર તરીકે પણ જોવા મળી શકે છે.
Reporter:
