આંખો અને વાળ માટે ખુબ ગુણકારી આમળાનો મુરબ્બો બનાવવા માટે એક કિલો મોટા આમળા, એક કિલો ખાંડ, મીઠુ અને પાણી જરૂર મુજબ, એક ચમચી તજનો પાવડર, અડધી ચમચી હળદર જરૂરી છે.
આમળાને ધોઈને તેને ખમણી લેવા.ત્યારબાદ તેમાં હળદર અને મીઠુ ઉમેરી મિક્સ કરી અડધો કલાક ઢાંકીને રહેવા દેવા.હવે તેનું બધું પાણી નિતારી લેવું. હવે એક વાસણમાં ખાંડ ડૂબે એટલું પાણી લઇ ચાસણી બનાવી લેવી.ચાસણી એક તારની બનાવવી.
હવે તેમાં આમળાનું ખમણ ઉમેરી ગેસ પર થોડી વાર રાખવું જેથી પાણીનો ભાગ બળી જાય. પાણીનો ભાગ બળે એટલે ગેસ પરથી ઉતારી તેમાં તજનો પાવડર મિક્સ કરી એક જાર માં ભરી લેવો. આ મુરબ્બો લાંબા સમય સુધી સ્ટોર રહે છે.
Reporter: admin
