દરજીપુરા ગામ નવીનગરી ખાતે રહેતા પરિવારની સગીર વયની કિશોરીનું અપહરણ કરી સુનિલ જય શ્રી યાદવ ફરાર થઈ ગયો હતો
પરિવારના સભ્યો દ્વારા લાપતા થયેલી સગીર વયની કિશોરી ની શોધ ખોળ હાથ ધરી હતી પૂછપરછ અને તપાસના અંતે આરોપી સુનિલ યાદવ સગીર કિશોરીને લઈ તેના વતન ઉત્તર પ્રદેશ રવાના થયો હોવાની વિગતો સપાટી પર આવી હતી હરણી પોલીસ મથકે સગીર વયની કિશોરીનું અપહરણ કરવા ના બનાવ અંગે આરોપી સુનિલ યાદવ વિરુદ્ધ ગુનો દાખલ કરવામાં આવ્યો હતો.
છેલ્લા નવ વર્ષથી ફરાર આરોપી સુનિલ યાદવ મુંબઈ ખાતે આશરો લઈ રહ્યો હોવાની માહિતી મળતા જ ક્રાઈમ બ્રાન્ચ ની ટીમ એક્શનમાં આવી હતી ક્રાઈમ બ્રાન્ચ ની ટીમ મુંબઈના વસઈ રોડ ખાતે આવી પહોંચી હતી અને સ્થાનિક પોલીસની મદદથી રાત્રિના સમયે આરોપી સુનિલ યાદવને પોલીસની ટુકડીએ દબોચી લીધો હતો વડોદરા લાવવામાં આવેલા આરોપી સુનિલ યાદવ નો કબજો હરણી પોલીસ મથકને સુપ્રત કરવામાં આવ્યો હતો અને પોલીસે કાયદેસરની કાર્યવાહી હાથ ધરી હોવાનું જાણવા મળ્યું હતું.
Reporter: News Plus
