છોટા ઉદેપુર જિલ્લા એલ.સી.બી.એ ઝોઝ વિસ્તારના સિંગલજા ખાતેથી એક રહેણાક મકાનમાંથી રૂ.1,68,740ના વિદેશી દારૂ સાથે એક શખસની ધરપકડ કરી કાયદેસરની કાર્યવાહી હાથ ધરી છે. છોટા ઉદેપુર જિલ્લામાં લગભગ દરરોજ વિદેશી દારૂ ઝડપાઈ રહ્યો છે. આગામી દિવસોમાં લોકસભાની ચૂંટણી પણ યોજાનાર છે. જેને લઇને વિદેશી દારૂ ઘુસાડવા માટેના પ્રયત્નો ખૂબ તેજ થઈ ગયા છે. ત્યારે જિલ્લા એલ.સી.બી.એ વિદેશી દારૂ ઝડપી પાડીને કાર્યવાહી હાથ ધરી રહી છે.
છોટા ઉદેપુર જિલ્લા એલ.સી.બી.ના પી.આઇ.વિનોદ ગાવિત ઝોઝ પોલીસ મથક વિસ્તારમાં પેટ્રોલિંગમાં હતા ત્યારે સિંગલજા ગામમાં રહેણાક મકાનમાં વિદેશી દારૂ સંતાડી રાખ્યો હોવાની બાતમી મળતા સિંગલજા ખાતે સુથાર ફળીયામાં રહેતા ઓડરભાઈ અમદાભાઈ રાઠવાના ઘરે રેડ કરતા તેના ઘરેથી વિદેશી દારૂની બોટલ નંગ 1592 જેનો કિંમત રૂ.1,68,740 મળી આવ્યો હતો.
આ વિદેશી દારૂ મળી આવતા જિલ્લા એલ.સી.બી.એ ઘર માલીક ઓડરભાઈ અમદાભાઈ રાઠવાની ધરપકડ કરી કાર્યવાહી હાથ ધરી હતી.
Reporter:
