છત્તીસગઢના કબીરધામ જિલ્લાના કુકદુરમાં આજે ભયાનક અકસ્માત થયો હતો, જેમાં 25થી 30 લોકોને લઈ જતી પિકઅપ વાન પલટી જતા 18 લોકોના મોત થયા છે.
અહેવાલો મુજબ બૈગા આદિવાસીઓ તેંદુના પાન તોડીને પાછા ફરી રહ્યા હતા, ત્યારે પિકઅપ વાન બાહપાની પાસે એક ખીણમાં ખાબકી જતા આ અકસ્માત સર્જાયો છે. આ તમામ લોકો કુઈના રહેવાસી હોવાનું કહેવાય છે.હાલ અકસ્માત સ્થળો પોલીસની ટીમ અને ઘણી એમ્બ્યુલન્સ વાન પહોંચી ગઈ છે અને ઈજાગ્રસ્તોને હોસ્પિટલ ખસેડી રહી છે. આ મામલે કબીરધામ ના પોલીસ અધિક્ષક પલ્લવે કહ્યું કે, મૃતકોમાં 14 મહિલાઓ સામેલ છે
અકસ્માતમાં આઠ લોકો ઈજાગ્રસ્ત થયા છે.પોલીસ અધિકારીઓએ જણાવ્યું કે, ‘આ અકસ્માત કુકદૂર પોલીસ સ્ટેશન વિસ્તારના બાહપાની ગામમાં સર્જાયો છે. તેમણે કહ્યું કે, કુઈ ગામમાં રહેતા લોકો તેંદુના પાન તોડવા ગયા હતા. જ્યારે તેઓ પિકઅપ વાનમાં પરત ફરી રહ્યા હતા, ત્યારે તેમની વાન બાહપાની ગામ નજીક એક ખીણમાં ખાબકી ગઈ હતી.
Reporter: News Plus
