વડોદરા : શહેર કોંગ્રેસ સમિતિ દ્વારા આજરોજ ગાંધી નિર્વાણ દિવસ નિમિત્તે વડોદરા ના ગાંધીનગર ગૃહ ખાતે આવેલ મહાત્મા ગાંધીની પ્રતિમાને પુષ્પાંજલિ અર્પણ કરવાનો કાર્યક્રમનું આયોજન કરવામાં આવ્યું જેમાં મોટી સંખ્યામાં કોંગ્રેસના ચૂંટાયેલા પ્રતિનિધિઓ તેમજ કાર્યકર્તાઓ વિશેષ ઉપસ્થિત રહ્યા હતા.
આજના દિવસે 1948માં નવી દિલ્લી સ્થિત બિરલા ભવનમાં નાથુરામ ગોડસેએ એક પછી એક ત્રણ ગોળી ચલાવીને બાપુની ક્રૂર હત્યા કરી નાખી હતી. ગોળી વાગતા જ બાપુ ઢળી પડયા હતા અને પોતાના અંતિમ શ્વાસ લીધા.આજે રાષ્ટ્રપિતા મહાત્મા ગાંધીજીની પુણ્યતિથી છે. આજે તેમની પુણ્યતિથી હોવાથી દેશમાં શહીદ દિવસ તરીકે મનાવવામાં આવે છે. ભારતને અંગ્રેજોથી 15 ઓગસ્ટ 1947ના રોજ આઝાદી મળ્યાના છ મહિના બાદ 30 જાન્યુઆરી 1948ના રોજ રાષ્ટ્રપિતા મહાત્મા ગાંધીજીની દિલ્હીના બિરલા હાઉસમાં નાથુરામ ગોડસે દ્વારા ગોળી મારીને હત્યા કરવામાં આવી હતી.
વડોદરા શહેર કોંગ્રેસ સમિતિ દ્વારા આજરોજ મહાત્મા ગાંધીની પ્રતિમાને પુષ્પાંજલિ અર્પણ કરવામાં આવી હતી જેમાં વિપક્ષી નેતા ચંદ્રકાંત શ્રીવાસ્તવ વડોદરા શહેર કોંગ્રેસ સમિતિ અધ્યક્ષ ઋત્વિજ જોશી, મ્યુનિસિપલ કાઉન્સિલર પુષ્પાબેન વાઘેલા સહિત કોંગ્રેસના તમામ પદ અધિકારીઓ તથા કાર્યકર્તાઓ વિશેષ ઉપસ્થિત રહ્યા હતા.
Reporter: admin
