દિલ્હી : પીએમ મોદી જાહેર સભાના મંચ પર ભાજપના ઉમેદવારોનો પરિચય કરાવી રહ્યા હતા. તે દરમિયાન તેમણે એક યુવા ઉમેદવારના ચરણ સ્પર્શ કર્યા હતા.
જ્યારે તેઓ પટપડગંજ વિધાનસભા ક્ષેત્રના ઉમેદવાર રવિન્દ્ર નેગી પાસે પહોંચ્યા હતા, ત્યારે તેમણે વડાપ્રધાનના ચરણ સ્પર્શ કર્યા હતા. આના પર વડાપ્રધાને તેમના ત્રણવાર ચરણ સ્પર્શ કર્યા હતા. આ વિડીયો સોશિયલ મીડિયા પર ઘણો વાયરલ થઈ રહ્યો છે. વડાપ્રધાન મોદી ઘણીવાર કોઈ વૃદ્ધ મહિલા કે પુરુષના ચરણસ્પર્શ કરતા જોવા મળે છે, પરંતુ આ કદાચ પહેલી વાર હતું કે તેમણે કોઈ યુવાન નેતાના ચરણ સ્પર્શ કર્યા હોય. આ વીડિયોને લોકો ઘણો લાઈક કરી રહ્યા છે અને વડાપ્રધાનને નમ્રતાની પ્રશંસા કરી રહ્યા છે.
રવિન્દ્ર નેગી ઉતરાખંડના છે અને પટપડગંજ વિધાનસભા મત વિસ્તારમાં આવેલા વિનોદ નગર વોર્ડ-198 ના કોર્પોરેશન કાઉન્સિલર છે. તેમની ગણતરી ભાજપના યુવા અને તેજતરાર નેતામાં થાય છે. તેમણે પટપડગંજ સીટ પરથી ચૂંટણી લડીને મનીષ સિસોદિયાને સખત પડકાર આપ્યો હતો. આ વખતે આમ આદમી પાર્ટીએ તેમની સામે અવધ ઓઝાને મેદાનમાં ઉતાર્યા છે.
Reporter: admin
