શહેર પીસીબી દ્વારા વાહન ચોરી, પ્રોહીબિશન,ચેઇન સ્નેચિંગ જેવા ગુનામાં સંડોવાયેલા પાંચ જેટલા આરોપીઓની પાસા હેઠળ અટકાયત કરી રાજ્યની વિવિધ જેલોમાં મોકલી આપવામાં આવ્યા છે.

વાહન ચોરીના ગુનામાં ઠંડોવાયેલા આરોપી વિરેન્દ્રસિંહ ખંગારસિંગ રાવત મૂળ રહેવાસી બાગમલ ગામ રાજસ્થાનની પાસા હેઠળ અટકાયત કરી રાજકોટ જેલમાં મોકલી આપવામાં આવ્યો છે.વિદેશી દારૂની હેરાફેરીના ગુનામાં પકડાયેલા નરેશ રાવજીભાઈ પરમાર ગજ ગણેશ સોસાયટી વાઘોડિયા રોડની પાસા હેઠક અટકાયત કરીને મહેસાણા જેલમાં મોકલી આપવામાં આવ્યો છે. પાસાના અન્ય કેસમાં સુરતના પાંડેસરા ખાતે રહેતો મહાવીરકુમાર નારાયણલાલ ચંદેલ વાહણચોરીના ગુનામાં પકડાયો હતો. 

આ ઇસમના નામે અનકે પોલીસ મથકોમાં ગુના નોંધાયા છે અને આરોપી વાહન ચોરી કરવામાં પાવરધો હોવાથી તેની અટકાયત કરીને પાસાની કાર્યવાહી કરીને મહેસાણા જેલમાં મોકલી આપવામાં આવ્યો છે. આ ઉપરાંત શહેરમાં સોનાના અછોડા તોડવાના ત્રણ બનાવમાં સ સંડોવાયેલા મૂળ વંથલી જૂનાગઢનો રહીશ સન્નીસિંગ રાજેશસિંગ ટાંકને પાસા હેઠળ પાલનપુર જેલમાં મોકલી આપવામાં આવ્યો છે. પીસીબી એ પ્રોહીબિશનના ગુનામાં શહેરના વિવિધ પોલીસ મથકે નોંધાયેલ ગુનાના સબબે સયાજીપાર્ક ખાતે રહેતા અમિત મુકેશભાઈ દરજીને ઝડપી પાડી પાસા મહેસાના જેલમાં મોકલી આપવામાં આઆવ્યો છે.

Reporter: admin