વડોદરા : શહેરમાં સુશેન તરસાલી રોડપર નિત્યાનંદપાર્કના રહેણાક મકાનના કમ્પાઉન્ડ માંથી વનસ્પતિજન્ય માદક પદાર્થ ગાંજાના લીલા છોડ નંગ-૩, કિ.રૂા. ૩૦,૨૦૦ ની મત્તા સાથે એક ઇસમની ધરપકડ વડોદરા શહેર એસ.ઓ.જી.એ કરી છે.
શહેર વિસ્તારમાં સતત પેટ્રોલીંગ રાખી પેડલરો અને નશેડીઓ ઉપર સતત્ત વોય તપાસ રાખી ચાલતી ગેરકાયદેસર પ્રવૃતિઓ અટકાવી કાયદેસરની કાર્યવાહી કરવામાં આવે છે. બાતમીના આધારે સુશેન તરસાલી રોડ, નિત્યાનંદપાર્કના મકાન નંબર-એ/૩૨ માં ભાડેથી રહેતાં મનીષભાઇ નાગરભાઇ પટેલ હાલના કબજા ભોગવટાવાળા રહેણાંક મકાનના કમ્પાઉન્ડમાં લીલા ગાંજાના છોડ ઉગાડી નાર્કોટીકસને લગતી ગેરકાયદેસર પ્રવૃત્તિ કરે છે. આ હકીકત આધારે બાતમીવાળી જગ્યાએ રેઇડ કરતાં આરોપી મનીષભાઇ નાગરભાઇ પટેલનાઓ હાજર મળી આવેલ હતો
તેઓના રહેણાક મકાનના કમ્પાઉન્ડ તપાસ કરતા કમ્પાઉન્ડના ગાર્ડનમાં વનસ્પતિજન્ય માદક પદાર્થ લીલા ગાંજાના છોડ નંગ- ૦૩ મળયા હતા. જેથી વનસ્પતિજન્ય માદક પદાર્થ ગાંજાના લીલા છોડનું વાવેતર કરી, ઉછેર કરી ગુનાહીત પ્રવૃત્તિ આચરી ગુન્હો કરેલો હોય આરોપી વિરુધ્ધમાં મકરપુરા પોલીસ સ્ટેશન ખાતે એન.ડી.પી.એસ.એકટ હેઠળ ગુનો રજીસ્ટર કરાવેલ છે. આગળની વધુ તપાસ ચાલુ છે.
Reporter: News Plus
