કોલકાતા : સરકારી હોસ્પિટલમાં પોસ્ટ ગ્રેજ્યુએટ ટ્રેઇની મહિલા ડોક્ટર ઉપર જે રીતે દુષ્કર્મ કરાયું હતું. ત્યાર બાદ તેની હત્યા કરાઇ હતી તેના અહેવાલો બહાર આવતાં નરાધમો સામે ફિટકાર વરસી રહ્યો છે.
પ્રાઈવેટ પાર્ટમાંથી લોહી નીકળતું હતું પોસ્ટ-ગ્રેજ્યુએટ ટ્રેઇની મહિલા ડૉક્ટરના પ્રાથમિક પોસ્ટમોર્ટમ રિપોર્ટમાં જેની લાશ શુક્રવારે કોલકાતાની સરકારી હોસ્પિટલમાં મળી આવી હતી તે દર્શાવે છે કે તેની પર દુષ્કર્મ આચરી હત્યા કરવામાં આવી હતી. કેસમાં આત્મહત્યાની શક્યતા પણ નકારી કાઢવામાં આવી છે. તેથી, હવે તાલા પોલીસ સ્ટેશનમાં સંબંધિત કલમો હેઠળ કેસ નોંધવામાં આવ્યો છે. ચાર પાનાના અહેવાલ મુજબ મહિલાના પ્રાઈવેટ પાર્ટમાંથી લોહી નીકળતું હતું અને તેના શરીરના અન્ય ભાગો પર ઈજાના નિશાન હતા.
રિપોર્ટમાં કહેવામાં આવ્યું છે કે મૃતકની આંખો અને મોં બંનેમાંથી લોહી વહેતું હતું અને તેના ચહેરા અને નખ પર ઈજાના નિશાન હતા. તેના પેટ, ડાબા પગ, ગરદન, જમણા હાથ અને હોઠ પર ઈજાના નિશાન હતા. કોલકાતા પોલીસના કહેવા મુજબ આ બનાવ વહેલી સવારે 3 વાગ્યાથી સવારે 6 વાગ્યાની વચ્ચે થયો હતો. તેની ગરદનનું હાડકું પણ તૂટેલું જોવા મળ્યું હતું.
Reporter: admin
