શ્રીહરિકોટા: ભારતીય અવકાશ સંશોધન સંસ્થા (ISRO) 4 સપ્ટેમ્બર 2026ના રોજ સવારે 2:55 વાગ્યે પૃથ્વી અવલોકન ઉપગ્રહ EOS-05નું પ્રક્ષેપણ કરશે. આ મિશન આંધ્ર પ્રદેશના શ્રીહરિકોટા સ્થિત સતીશ ધવન સ્પેસ સેન્ટરના સેકન્ડ લોન્ચ પેડ પરથી GSLV-F17 રોકેટ દ્વારા લોન્ચ કરવામાં આવશે.
EOS-05 અત્યાધુનિક પૃથ્વી અવલોકન ઉપગ્રહ છે. ISROના જણાવ્યા અનુસાર, આ ભારતનો જીઓસિંક્રોનસ ઓર્બિટમાંથી પ્રથમ ઇમેજિંગ સેટેલાઇટ હશે. મિશન હેઠળ GSLV-F17 ઉપગ્રહને સબ-જીઓસિંક્રોનસ ટ્રાન્સફર ઓર્બિટમાં સ્થાપિત કરશે.
આ પ્રક્ષેપણ ISRO માટે ખાસ મહત્વ ધરાવે છે, કારણ કે જાન્યુઆરી 2026માં PSLV-C62/EOS-N1 મિશન બાદ લગભગ સાત મહિનાના અંતરાલ પછી અવકાશ સંસ્થાનું આ મહત્વપૂર્ણ પ્રક્ષેપણ થશે.
ISRO દ્વારા EOS-05 મિશનની લોન્ચિંગ માટે સત્તાવાર લાઇવ સ્ટ્રીમિંગની પણ વ્યવસ્થા કરવામાં આવી છે. અવકાશ ક્ષેત્રે ભારતની ક્ષમતાને વધુ મજબૂત બનાવનારા આ મિશન પર દેશ-વિદેશની નજર રહેશે.
Reporter: admin
