ભારતીય ઝડપી બોલર મોહમ્મદ શમી ફરી એકવાર ટીમ ઈન્ડિયામાં વાપસીની તૈયારીમાં છે. 36 વર્ષની ઉંમરે પણ શમીના જુસ્સા અને ફિટનેસને લઈને ઈસ્ટ ઝોનના કેપ્ટન ઈશાન કિશને વિશ્વાસ વ્યક્ત કર્યો છે.
દલીપ ટ્રોફીમાં શમીએ ઈસ્ટ ઝોન માટે અસરકારક પ્રદર્શન કર્યું છે. સેન્ટ્રલ ઝોન સામેની સેમિફાઇનલમાં તેમણે બંને ઇનિંગ્સમાં કુલ પાંચ વિકેટ ઝડપી ટીમને ફાઇનલમાં પહોંચાડવામાં મહત્વની ભૂમિકા ભજવી હતી.
ઈશાન કિશનનું માનવું છે કે શમી હજુ પણ ભારતીય ટીમમાં વાપસી માટે સંપૂર્ણપણે પ્રતિબદ્ધ છે. તેમના મતે શમીની મહેનત અને ક્રિકેટ પ્રત્યેનો જુસ્સો જોતા ઉંમર તેમના માટે અડચણ બનવી જોઈએ નહીં.
ઘરેલુ ક્રિકેટમાં શમીના સતત સારા પ્રદર્શનથી રાષ્ટ્રીય ટીમમાં તેમની વાપસીની આશા ફરી મજબૂત બની છે. જોકે, અંતિમ નિર્ણય ભારતીય પસંદગીકારો લેશે.
Reporter: admin
