વડોદરા મનપાના અભૂતપૂર્વ નગર સેવકો જે ના કરે તે ઓછું છે.
તેમનામાં લોકસેવાની એટલી તીવ્ર ધગશ છે કે તેઓ જનતાની સુવિધા વધારવા રાત કે દિવસ,ટાઢ ,તડકો કે ધોધમાર વરસાદની પરવા કર્યા વગર કામો કરવા/ કરાવવાનો આગ્રહ રાખે છે.વોર્ડ નં.૬ ના નગરસેવકની સૂચનાથી વરસતા વરસાદમાં રોડ પર ધગધગતો ડામર પાથરવા ની કામગીરી જોઈને અવર જવર કરનારા તમામના મનમાં સંબંધિત નગર સેવકની નિષ્ઠા અંગે આદરનો ભાવ અવશ્ય પેદા થયો હશે.
તેમનો આશય સારો જ હશે.લોકોને ઝડપથી સારા રસ્તાની સુવિધા આપવાનો તેમનો સંકલ્પ હશે.એટલે વરસતા વરસાદ ને અવગણીને તેમણે કામ ચાલુ રખાવ્યું હશે.તેમનો ઈરાદો સારો જ હશે કે લોકો ને ચકચકતો રસ્તો મળવો જોઈએ.અને આ રસ્તો ઝડપથી બને અને ઝડપથી ધોવાઈ જાય તો ઠેકેદાર ને ફરીથી રસ્તો બનાવવાની તક મળવી જોઈએ.
Reporter: admin
