વડોદરા : શહેર નજીક ડભોઈ રોડ પર આવેલા કુંઢેલા ગામ પાસે શુક્રવારે રાત્રે 11:30 વાગ્યાના અરસામાં રોડ ક્રોસ કરી રહેલા સાડા પાંચ ફૂટના મગરને કાર ચાલકે અડફેડે લીધો હતો.
જેમાં મગરના મોઢા ઉપર ઇજાઓ પહોંચી હતી. આ બનાવ અંગે વાઇડ લાઇફ રેસ્ક્યૂ ટ્રસ્ટને જાણ થતાં ઘટના સ્થળે દોડી ગયેલા સ્વયંસેવકોએ મગરને સારવાર માટે ખસેડ્યો હતો. ડભોઇ રેન્જ લાગતી હોવા છતાં ડભોઇમાં કોઈ સારવાર માટેની સુવિધા ન હોવાથી વડોદરા લાવવામાં આવ્યો હતો. બીજી તરફ શહેર નજીક કોટાલી ગામે રાત્રે 10 વાગ્યાના અરસામાં મગર આવી ગયો હતો.
આ અંગે સરપંચ કનુભાઈએ જાણ કરતાં મગરને રેસ્ક્યૂ કરવામાં આવ્યો હતો. જ્યારે બીજા બનાવમાં જાંબુઆ પાસે 3 ફૂટનો મગર આવતાં સેવ વાઇલ્ડ લાઈફના સ્વયંસેવકોએ તેને પકડીને વન વિભાગને સોંપ્યો હતો. તમામ બનાવમાં કોઈને ઈજા પહોંચી નથી.
Reporter: admin
