બોલાંગીર: ઓડિશાના બોલાંગીરમાં એક 19 વર્ષની છોકરીને બીમારીમાંથી ઇલાજ કરવા માટે તેના માથામાં અનેક સોય મારવા બદલ એક ‘તાંત્રિક’ની ધરપકડ કરવામાં આવી છે.
પીડિતાને ભીમા ભોઈ મેડિકલ કોલેજ અને હોસ્પિટલમાં સફળતાપૂર્વક સારવાર આપવામાં આવી હતી.સર્જને છોકરીના માથામાંથી લગભગ 70 સોય કાઢી હતી. મળતી માહિતી મુજબ, યુવતીએ ઝોલછાપ ડોક્ટરની સારવાર બાદ દુખાવાની ફરિયાદ કરી હતી. યુવતીને ગંભીર હાલતમાં બુર્લા વિમસરમાં દાખલ કરવામાં આવી હતી. તેના માથાનું સીટી સ્કેન કરાવ્યા બાદ જાણવા મળ્યું કે તેના કપાળમાં મોટી સંખ્યામાં સોય નાખવામાં આવી હતી. આ રીતે સમગ્ર કિસ્સો સામે આવ્યો હતો
19 વર્ષીય યુવતી ચાર વર્ષ પહેલા તેની માતાના અવસાનથી અવારનવાર બીમાર રહેતી હતી. દરમિયાન, તેણી મેલીવિદ્યા કરતી વ્યક્તિના સંપર્કમાં આવી હતી.કથિત રીતે આ તાંત્રિકે યુવતીનું માથામાં સોય ખોપી હતી, જેના કારણે તે બેભાન થઈ ગઈ હતી. તાજેતરમાં રેશ્માના પરિવારજનોએ સોય જોઈને તેને કાઢી નાખી અને પછી તેને વધુ સારવાર માટે ભીમા ભોઈ મેડિકલ કોલેજ અને હોસ્પિટલમાં લઈ ગયા હતા.સમગ્ર ઘટના પ્રકાશમાં આવ્યા બાદ તાંત્રિકની ધરપકડ કરવામાં આવી છે. પ્રાપ્ત અહેવાલોના અનુસાર, આ તાંત્રિક પહેલા પણ આવી પ્રકારની કરતૂત કરી ચૂક્યો છે. હાલમાં પોલીસ આ બાબત વિશે ઊંડાણપૂર્વક તપાસ કરી રહી છે.
Reporter: admin
