વડોદરા : શહેરમાં કારેલીબાગ પાણીની ટાંકી પાસે ટ્રક ચાલકે મોપેડ ને અડફેટે લેતા કિશોરીનું મોત થયું હતું.
અકોડિયા ગામની બે પિતરાઈ બહેનોને ટ્રક ચાલકે અડફેટે લેતા એકનું મોત નીપજ્યું હતું.આશરે 17 વર્ષીય કિયાબેન દિનેશ પટેલનું અકસ્માતમાં મોત થતાં પરિવારમાં શોક ફેલાયો હતો.કારેલીબાગ પાણીની ટાંકી સર્કલ પાસે બોમ્બે સેલમાં ખરીદી કરી નીકળતી વખતે અકસ્માત સર્જાયો હતો. પાછળથી પૂરપાટ ઝડપે આવતા આઇસર ટ્રક ચાલકે કેયા પટેલની મોપેડ ની ટક્કર મારતા બંને બહેનો રોડ પર ફંગોળાઇ હતી.
કેયાબેનને માથામાં અને શરીરે ગંભીર ઇજાઓ પહોંચતા બેભાન થઈ ગયા હતા.તાત્કાલિક પ્રથમ ખાનગી હોસ્પિટલ ત્યાર બાદ સયાજી હોસ્પિટલ લઈ જતા ડોક્ટરે કેયાબેનને મૃત ઘોષિત કર્યા હતા.કારેલીબાગ પોલીસે GJ 03 BV 9454ના ટ્રક ચાલક હરેશ ગોહિલ વિરુદ્ધ ગુનો નોંધી ધરપકડ કરી હતી.
Reporter:
