શહેરમાં દારૂ જુગાર જેવા પ્રોહીના કેસો અટકાવવા તેમજ ગુનેગારને પકડી પાડવા શહેર પોલીસ સતત કાર્યરત છે.
જેમાં આજરોજ ક્રાઈમ બ્રાન્ચની ટીમને બાતમી મળી હતી કે, કારેલીબાગ આર્યકન્યા ત્રણ રસ્તા પાસે અને સોખડા મલેક ફળીયા ખાતે રહેતો બુટલેગર નામે અમજદખાન અનવરખાન પઠાણને ઝડપી પાડયો હતો. મળેલ બાતમી આધારે પુછપરછ કરતા તેમજ તપાસ દરમ્યાન આ યુવક વડોદરા શહેરના નંદેસરી પો.સ્ટેશનમાં વિદેશી દારૂના નોંધાયેલ ગુનામાં સંડોવાયેલ હોવાનું અને આ વિદેશી દારૂના ગુનાના કામે છેલ્લા સાત મહીનાથી પોલીસ ધરપકડ ટાળવા માટે નાસતો ફરતો હોવાનુ જણાઇ આવ્યું હતું.
નંદેસરી ખાતે આર્થિક ફાયદા માટે વગર પાસ પરમીટે વિદેશી દારૂનો જથ્થો મંગાવી જુદી-જુદી જગ્યાએ માણસો રાખી છુટકમાં વિદેશી દારૂનુ વેચાણ કરી ધંધો કરતો હતો જેથી પોલીસે ગઈ તા.૨૩/૦૧/૨૦૨૪ ના રોજ રેઇડ કરી વિદેશી દારૂની બોટલો નંગ- ૧૮૧, બીયરના ટીન નંગ-૧૭૪, મેકડોવેલ્સ નં.૦૧ ના પાઉચ નંગ-૧૪૧ તમામની કુલ કિં. 72 હજાર ની કિંમતનો દારૂનો જથ્થો તેમજ એકટીવા-૦૧, મો.ફોન-૦૩, મળી કુલ રૂ.1.35 લાખ ની સાથે તયુવકને પકડી પાડયો હતો. જેથી ક્રાઇમ બ્રાન્ચે આ પકડાયેલ યુવકને આગળની તપાસ માટે છાણી પો.સ્ટેશનને સોંપી આગળની કાર્યવાહી કરી હતી.
Reporter: admin
