અમદાવાદ : આગામી તા.20મી અને 21મી જૂનના રોજ વડોદરા, ભરૂચ, છોટા ઉદેપુર, નર્મદા, સુરત, તાપી, નવસારી, ડાંગ અને વલસાડમાં ગાજવીજ સાથે વરસાદ જ્યારે જૂનાગઢ, ગીર સોમનાથ, અમરેલી અને ભાવનગરમાં હળવો વરસાદ થવાની આગાહી હવામાન વિભાગે આપી છે.
રાજ્યમાં છેલ્લા 24 કલાકમાં 13 જિલ્લામાં ગાજવીજ સાથે વરસાદ પડ્યો છે. જેમાં સૌથી વધુ ભાવનગર અને અમરેલી જિલ્લામાં ધોધમાર વરસાદ વરસ્યો છે. આ ઉપરાંત રાજકોટ, નવસારી, તાપી, ડાંગ, ભરૂચ, વલસાડ, સુરત, આણંદ, મોરબી, જામનગર અને છોટા ઉદેપુરમાં વરસાદ વરસ્યો છે.
રાજ્યના વિવિધ ભાગોમાં વરસાદી માહોલ જામ્યો છે. ત્યારે આજે વહેલી સવારથી પોરબંદર જિલ્લાના બરડા અને ઘેડ પંથકમાં ધોધમાર વરસાદ વરસ્યો હતો. ચાર કલાકમાં અઢી ઈંચ જેટલો વરસાદ ખાબકતા ઘરોમાં પાણી ઘૂસી ગયા હતા.
Reporter: News Plus
