જેસલમેરમાં ૫૦ ડિગ્રીની આકરી ગરમીમાં સૈનિકો સરહદની સુરક્ષા કરી રહ્યા છે, બુધવારે પાકિસ્તાનની સરહદે આવેલા જેસલમેર જિલ્લાના વિસ્તારોમાં દિવસનું તાપમાન ચરમસીમાએ વધી ગયું હતું.ભારત-પાકિસ્તાન બોર્ડર પર પારો ૫૦ ડિગ્રીને પાર કરી ગયો હતો. વિવિધ સરહદી ચોકીઓ પર ૫૦ થી વધુ તાપમાન નોંધાયું હતું. જેસલમેરમાં ૫૦ ડિગ્રીની આકરી ગરમીમાં સૈનિકો સરહદની સુરક્ષા કરે છે
પાકિસ્તાનની સરહદે આવેલા જેસલમેર જિલ્લાના વિસ્તારોમાં દિવસનું તાપમાન ચરમ સીમાએ વધી ગયું હતું. રણની રેતીને આગની નદીઓમાં પરિવર્તિત કરી હતી.શાહગઢ બુલજ વિસ્તારમાં કેટલીક બોર્ડર આઉટપોસ્ટ્સ (BOPs) પર, તાપમાન ૫૦-ડિગ્રી સ્તરે પહોંચી ગયું છે. આકરા તાપ વચ્ચે પણ જવાનોએ આંતરરાષ્ટ્રીય સરહદો પર સતત તકેદારી રાખી હતી. સૈનિકોએ પોતાની જાતને ગરમીથી બચાવવા માટે અસંખ્ય માર્ગદર્શિકાઓ પ્રાપ્ત કરી છે, જેમાં હંમેશા ડુંગળી, પાણી અને લીંબુને તેમની સાથે રાખવાની સલાહ આપવામાં આવી છે. BSF સૈનિકો જેસલમેર અને બાડમેરના રણમાં આંતરરાષ્ટ્રીય સરહદો પર તૈનાત છે. ઉંચુ તાપમાન હોવા છતાં, આ સૈનિકોના મનોબળને કોઈ અસર થતી નથી.જેસલમેર શહેરમાં તાપમાન ૪૭.૨ ડિગ્રી સેલ્સિયસ સુધી વધી ગયું હતું, જેણે માત્ર રહેવાસીઓને જ નહીં પરંતુ પક્ષીઓને પણ અસર કરી હતી. જેસલમેરની શેરીઓ ખાલી હતી, જે બપોરના સમયે કફર્યુ લાગે છે.રાત્રિના સમયે પણ લોકોને રાહત મળી શકતી નથી.બીએસએફના સૂત્રોના જણાવ્યા અનુસાર જેસલમેર જિલ્લામાં આંતરરાષ્ટ્રીય સરહદે કેટલાક સ્થળોએ તાપમાન ૪૮-૪૯ ડિગ્રી સેલ્સિયસ સુધી પહોંચી ગયું હતું.
રાજસ્થાનના વિવિધ જિલ્લાઓમાં તાપમાનમાં સતત વધારો થઈ રહ્યો છે. જ્યાં રાત્રિના સમયે લઘુત્તમ તાપમાન ૩૬ ડિગ્રી સુધી નોંધાઇ રહ્યું છે. દિવસ દરમિયાન મહત્તમ તાપમાન ૪૮ ૪૮ ડિગ્રીએ પહોંચી ગયું છે. આ સિવાય જેસલમેરના BSF કેન્ટોનમેન્ટમાં તાપમાન ૫૦ ડિગ્રી સુધી નોંધાઈ રહ્યું છે. રાજસ્થાનના પશ્ચિમી જિલ્લા બાડમેરમાં આકાશમાંથી આગ વરસી રહી છે. અહીં ગરમીનો પારો ૪૮ ડિગ્રીએ પહોંચી જતાં ગરમીની મહત્તમ અસર જોવા મળી હતી, જેના કારણે ગામડાઓમાં આકાશમાંથી વરસી રહેલી આગના કારણે ગામડાંઓ સળગી ઉઠ્યા હતા અને શહેરના માર્ગો દિવસભર તંદૂર જેવા લાલ થઈ ગયા હતા.નૌતાપામાં ઉનાળાનું તાપમાન નવ દિવસ સુધી ઊંચુ રહે છે. આ વખતે ૨૫ મેથી ભારે ગરમી પડશે પરંતુ તે પહેલા જ ગરમીએ લોકોને પરસેવો પાડવો શરૂ કરી દીધો છે. રાજસ્થાન ભારે ગરમીની લપેટમાં છે. જેસલમેરમાં તાપમાન ૫૦ ડિગ્રીને પાર કરી ગયું છે. જયપુર તેમજ દૂરના વિસ્તારોમાં તાપમાન ૪૦ ડિગ્રી સેલ્સિયસથી ઉપર યથાવત છે. ઉનાળાની ગરમી દિન-તિદિન વધુ આકરી બની રહી છે. દિવસે તેમજ રાત્રિના સમયે પણ લોકોને ગરમીથી રાહત મળી રહી નથી. રાજ્યની જનતા ગરમીનો સામનો કરી રહી છે. હવામાન કેન્દ્રે આગામી ૪-૫ દિવસ માટે રાજ્યના ૧૭ થી વધુ જિલ્લાઓમાં હીટવેવને લઈને રેડ એલર્ટ જાહેર કર્યું છે.
Reporter: News Plus
