વડોદરા શહેર ક્રાઇમ બ્રાન્ચે સ્પોર્ટસ બાઈક ફેરવવાનો શોખ રાખી મોટર સાઇકલની ચોરી કરનાર ઈસમને ચોરી ગયેલી હોન્ડા CBR250RB બાઈક સાથે ઝડપી પાડ્યો છે.
પોલીસ કમિશ્નર નરસિમ્હા કોમાર તથા ડૉ. લીના પાટીલના સૂચન પર ક્રાઇમ બ્રાન્ચ દ્વારા ચલાવવામાં આવેલી તપાસ દરમિયાન, પો.ઇન્સ્પેકટર આર.જી. જાડેજા અને એન.જી. જાડેજાની ટીમે પેટ્રોલિંગ દરમ્યાન ઠેકરનાથ ત્રણ રસ્તા પાસેથી શંકાસ્પદ બાઈક સાથે ઈસમ પ્રેમપારસ દેવેન્દ્રકુમાર પટેલ (ઉ.વ. ૨૯, રહે. ગાંધીનગર)ને પકડ્યો હતો.
જ્યારે બાઈકના દસ્તાવેજોની પુછપરછ કરવામાં આવી ત્યારે કોઈ પુરાવા ન મળી આવતા બાઈક કબજે લઈ કાર્યવાહી કરવામાં આવી. આગળની તપાસમાં જાણવા મળ્યું કે આરોપીએ 24 મેના રોજ યુનાઇટેડ એન્જિનિયરિંગ પાસે પાર્ક કરેલી બાઈકની ચોરી કરી હતી અને તેના સામે માંજલપુર પોલીસ સ્ટેશનમાં ગુનો નોંધાયેલ છે. હવે આ કેસમાં વધુ કાર્યવાહી માટે આરોપીને માંજલપુર પોલીસને સોંપવામાં આવ્યો છે.
Reporter: admin
