નવી દિલ્હી : રાજ્યસભાની શરૂઆતમાં હાથરસ દુર્ઘટના દરમિયાન થયેલા મૃત્યુ પર શોક વ્યક્ત કરવા રાજ્યસભામાં મૌન પાળવામાં આવ્યું હતું.
વિપક્ષના નેતા મલ્લિકાર્જુન ખડગેએ કહ્યું હતું કે આ પ્રકારની દુર્ઘટનાઓ અંધ શ્રદ્ધાના આધારે થઈ રહી છે. આ માટે કોઈ કાયદો નથી. જો આટલા મોટા સત્સંગો થઈ રહ્યા છે, ક્યાં થઈ રહ્યા છે, વિસ્તારમાં કેટલી હોસ્પિટલો છે, આ બધા માટે તમારે કાયદો બનાવવો જોઈએ. ઘણા નકલી બાબાઓ જેલમાં છે. જેના પર શાસક પક્ષના સભ્યોએ હોબાળો શરૂ કર્યો હતો.
અધ્યક્ષ જગદીપ ધનખરે સભ્યોને શાંત રહેવા કહ્યું. કર્ણાટક અને મહારાષ્ટ્રમાં અંધશ્રદ્ધા સંબંધી કાયદાઓ બનાવવાનો ઉલ્લેખ કરતા ખડગેએ કહ્યું કે તમારે એ જ તર્જ પર કાયદો બનાવવો જોઈએ. જે અસલી લોકોને આવવાની છૂટ છે, નકલી લોકો જે પૈસા માટે આશ્રમો બનાવે છે તેમની સામે કડક કાર્યવાહી કરવી જોઈએ. આ અંગે ગૃહમંત્રીનું નિવેદન આવવું જોઈએ.
Reporter: News Plus
