મહારાષ્ટ્ર સરકારની મહત્ત્વાકાંક્ષી **'મુખ્યમંત્રી માઝી લાડકી બહેન યોજના'**માં મોટા પાયે ગેરરીતિઓ સામે આવ્યા બાદ સરકારે કડક કાર્યવાહી હાથ ધરી છે. રાજ્યવ્યાપી વેરિફિકેશન અભિયાન પૂર્ણ થયા બાદ યોજનામાંથી અંદાજે 92 લાખ લાભાર્થીઓના નામ દૂર કરવામાં આવ્યા છે. આ સંખ્યા યોજનાના કુલ લાભાર્થીઓના લગભગ 38 ટકા જેટલી હોવાનું સામે આવ્યું છે.
ચકાસણી પહેલાં આ યોજના હેઠળ આશરે 2.43 કરોડ મહિલાઓને આર્થિક સહાય આપવામાં આવતી હતી. જોકે વેરિફિકેશન બાદ હવે લાભાર્થીઓની સંખ્યા ઘટીને અંદાજે 1.50 કરોડ રહી ગઈ છે.
તપાસ દરમિયાન વધુ એક ચોંકાવનારો ખુલાસો થયો છે. મહિલાઓ માટેની આ યોજનાનો લાભ આશરે 29 હજાર પુરુષોએ પણ લીધો હતો. ઉપરાંત અનેક અયોગ્ય અરજદારોને પણ સહાય મળતી હોવાના પુરાવા મળ્યા છે.
Reporter: admin
