વિશ્વપ્રસિદ્ધ પ્રવાસન સ્થળ સ્ટેચ્યુ ઓફ યુનિટી તરફ જવાના મુખ્ય માર્ગ પર આવેલા ડભોઇમાં સ્ટેટ હાઈવે વિભાગની બેદરકારી સામે આવી છે. ડભોઇથી વડોદરા, અમદાવાદ, રાજપીપલા અને બોડેલી સહિતના શહેરો તરફ જવાના માર્ગ દર્શાવતા લાખો રૂપિયાના દિશાસૂચક (સાઈન) બોર્ડ છેલ્લા ચાર મહિનાથી તૂટેલી હાલતમાં ધૂળ ખાઈ રહ્યા છે.
ડભોઇની વેગા ચોકડી સહિતના મુખ્ય સર્કલો પર પ્રવાસીઓની સુવિધા માટે લગાવવામાં આવેલા મોટા સાઈન બોર્ડ તૂટી પડ્યા હોવા છતાં અત્યાર સુધી તેનું સમારકામ કરવામાં આવ્યું નથી. પરિણામે બહારથી આવતા વાહનચાલકો અને પ્રવાસીઓને યોગ્ય દિશા શોધવામાં મુશ્કેલીનો સામનો કરવો પડી રહ્યો છે.
Reporter: admin
