વડોદરા શહેર પોલીસની પી.સી.બી. ટીમે ખોડીયારનગર વિસ્તારમાં કાર્યવાહી કરીને એક મકાનમાંથી ઇંગ્લિશ દારૂનો જથ્થો ઝડપી લીધો છે. આ મામલે મકાનમાં હાજર લક્ષ્મીબેન સોલંકીની ધરપકડ કરવામાં આવી છે, જ્યારે દારૂ લાવનાર હોવાનું સામે આવેલા વિનય સોલંકીને પકડવા માટે પોલીસે શોધખોળ શરૂ કરી છે.
પોલીસને મળેલી બાતમીના આધારે પી.સી.બી. ટીમે પંચમ હાઇટ્સ ત્રણ રસ્તા પાસે આવેલા ખોડીયારનગર-3 વિસ્તારમાં આવેલા મકાન નંબર 85માં તપાસ હાથ ધરી હતી. બાતમી મુજબ વિનય સોલંકી દ્વારા વિદેશી દારૂનો જથ્થો લાવવામાં આવ્યો હતો અને તેની માતા લક્ષ્મીબેન સોલંકી મકાનમાંથી દારૂનું છૂટક વેચાણ કરતી હતી.
બાતમીના આધારે પી.સી.બી.ની ટીમે મકાનમાં દરોડા જેવી કાર્યવાહી કરી તપાસ કરતાં ત્યાંથી ઇંગ્લિશ દારૂનો જથ્થો મળી આવ્યો હતો. પોલીસે દારૂનો જથ્થો કબજે કરીને લક્ષ્મીબેન સોલંકીની ધરપકડ કરી હતી.
પોલીસ તપાસમાં વિનય સોલંકીની સંડોવણી પણ સામે આવતાં તેને વોન્ટેડ જાહેર કરવામાં આવ્યો છે. આ સમગ્ર મામલે બાપોદ પોલીસ સ્ટેશનમાં પ્રોહિબિશન એક્ટ હેઠળ ગુનો નોંધવામાં આવ્યો છે.
પકડાયેલા આરોપી લક્ષ્મીબેન સોલંકી સામે કાયદેસરની કાર્યવાહી હાથ ધરવામાં આવી છે, જ્યારે ફરાર વિનય સોલંકીને ઝડપી પાડવા માટે પોલીસ દ્વારા વધુ તપાસ અને શોધખોળ ચાલુ રાખવામાં આવી છે.
Reporter: admin
