વડોદરા : દેશભરમાં દિવાળીનો તહેવાર ઉજવવામાં આવ્યો હતો. ક્રિકેટ જગતમાં પણ આ તહેવારની ધામધૂમથી ઉજવણી કરવામાં આવી. ભારતીય ક્રિકેટર હાર્દિક પંડ્યાએ પોતાના પરિવાર સાથે દિવાળીનું પર્વ ઉજવ્યું. 

આ દરમિયાન હાર્દિક સાથે પુત્ર અગસ્ત્ય પણ જોવા મળ્યો હતો. જ્યારે હાર્દિક પોતાના દીકરા સાથે દિવાળી ઉજવી રહ્યો હતો. ત્યારે બીજી બાજુ નતાશા દિવાળીની પાર્ટી દરમિયાન પોતાના મિત્ર એલેક્ઝાન્ડર સાથે જોવા મળી હતી. નતાશા આજકાલ પોતાના મિત્ર એલેક્ઝાન્ડર સાથે વધુ જોવા મળે છે. દિવાળીના ખાસ પ્રસંગે હાર્દિકે પોતાની ઇન્સ્ટાગ્રામ પ્રોફાઇલ પર પોસ્ટ શેર કરી છે. જેમાં તે પોતાના આખા પરિવાર સાથે જોવા મળી રહ્યો છે.

હાર્દિક પંડ્યાએ ગુરુવારે રાત્રે સોશિયલ મીડિયા એકાઉન્ટ ઇન્સ્ટાગ્રામ પર પોસ્ટ શેર કરી છે, જેમાં હાર્દિકે પોતાના પરિવાર સાથે તસવીરો શેર કરી છે. હાર્દિકે પોતાની પોસ્ટના કેપ્શનમાં ફેન્સને દિવાળીની શુભેચ્છાઓ આપી છે. હાર્દિકે કેપ્શનમાં લખ્યું કે, “Wishing everyone a very Happy Diwali, Love & Light from the pandya.” હાર્દિકે પોતાના ભાઈ અને ભાભી સાથે દિવાળીનો તહેવાર ઉજવ્યો હતો. આ દરમિયાન તેનો પુત્ર અગસ્ત્ય પણ જોવા મળી રહ્યો છે. ફેન્સ હાર્દિકની આ પોસ્ટ ખૂબ પસંદ કરી રહ્યાં છે. જ્યારે કેટલાક ફેન્સ હાર્દિક અને અગસ્ત્યના બોન્ડ વિશે કમેન્ટ કરી રહ્યાં છે. જણાવી દઈએ કે નતાશાથી અલગ થયા પછી હાર્દિકની આ પહેલી દિવાળી છે.છૂટાછેડા પછી નતાશાએ અગસ્ત્યની સારી રીતે સંભાળ રાખી હતી. બીજી બાજુ નતાશા જ્યારથી મુંબઈ આવી છે અગસ્ત્ય મોટાભાગે હાર્દિકના ઘરે જ રહે છે. હાર્દિકના વ્યસ્ત શેડ્યુલમાં હાર્દિકનો ભાઈ કૃણાલ પંડ્યા અને ભાભી પંખુડી શર્મા અગસ્ત્યની સારી રીતે સંભાળ રાખી રહ્યાં છે.

Reporter: admin