કેન્દ્ર સરકારે દેશની પરીક્ષા પ્રણાલીમાં પારદર્શિતા, વિશ્વસનીયતા અને આધુનિક ટેકનોલોજીના વધુ અસરકારક ઉપયોગને પ્રોત્સાહન આપવા માટે ઉચ્ચસ્તરીય ટાસ્ક ફોર્સની રચના કરી છે. આ ટાસ્ક ફોર્સનું નેતૃત્વ ઇન્ફોસિસના સહ-સ્થાપક અને આધાર (Aadhaar) પ્રોજેક્ટના મુખ્ય શિલ્પી નંદન નીલેકણી કરશે.
ટાસ્ક ફોર્સ પરીક્ષા પ્રણાલીમાં સુધારા, ડિજિટલ સુરક્ષા મજબૂત બનાવવી, પ્રશ્નપત્ર લીક જેવી ઘટનાઓને રોકવા માટેના ઉપાયો અને પરીક્ષા પ્રક્રિયાને વધુ પારદર્શક તથા વિશ્વસનીય બનાવવા અંગે સરકારને ભલામણો કરશે. ઉપરાંત ટેકનોલોજી આધારિત મોનિટરિંગ અને મૂલ્યાંકન વ્યવસ્થાને વધુ અસરકારક બનાવવા માટે પણ સૂચનો રજૂ કરશે.
કેન્દ્ર સરકારનું માનવું છે કે આ ઉચ્ચસ્તરીય કાર્યદળના સૂચનોના આધારે દેશની પરીક્ષા વ્યવસ્થામાં વ્યાપક સુધારા અમલમાં આવશે અને વિદ્યાર્થીઓનો વિશ્વાસ વધુ મજબૂત બનશે. સરકાર ટૂંક સમયમાં ટાસ્ક ફોર્સ પાસેથી વિગતવાર અહેવાલ મેળવવાની અપેક્ષા રાખી રહી છે.
Reporter: admin
