700થી વધુ યોગસાધકોની ભાગીદારીની સંભાવના, શારીરિક અને આધ્યાત્મિક સંતુલન તરફ એક સમર્પિત પગલું..
આંતરરાષ્ટ્રીય યોગ દિવસની પૂર્વ સંધ્યાએ (20 જૂન) વડોદરા શહેરમાં એક અનોખી યોગ વિધિ જોવા મળશે. S.N. ફાઉન્ડેશનના માર્ગદર્શન હેઠળ શહેર પ્રથમ વખત ‘સર્પાકાર સૂર્ય નમસ્કાર’ની વિશિષ્ટ શૈલી સાથે યોગ દિવસની ઉજવણી કરશે.આ કાર્યક્રમમાં સૌપ્રથમવાર, વડોદરા અને અન્ય શહેરોના લગભગ 700 યોગપ્રેમીઓ (ઓનલાઈન અને ઓફલાઈન) દ્વારા ભાગ લેવા માટેની તૈયારી દર્શાવવામાં આવી છે. આ ઉમદા પ્રયાસમાં યુવાનોથી લઈને વૃદ્ધો સુધી અને શારીરિક પડકારો ધરાવતા લોકો માટે પણ સમાન રીતે સ્થાન મળશે.
શું છે સર્પાકાર સૂર્ય નમસ્કાર?
પરંપરાગત 12 આસનોને આધારે વિકસિત, પરંતુ નયનરુચિ નવી સંરચના ધરાવતો આ અભ્યાસ – સર્પાકાર સૂર્ય નમસ્કાર – ધીરજ અને ગતિશીલતા સાથે શરીરને ત્રણ દિશામાં ખોલે છે: આગળ-પાછળ (સેગિટલ), બાજુ તરફ (કોરોનલ), વળાંક (ટ્રાન્સવર્સ).124 સંકલિત મુદ્રાઓ સાથે બનેલો આ અભ્યાસ માત્ર પુનરાવર્તન નથી, તે છે વિકાસ. શ્વાસ, મંત્ર અને ગતિના ત્રિપુટી સમન્વય સાથે તાલમેલ પકડી, યોગસાધકની અંદર ઊંડા ધ્યાની પ્રવાહ ઉભો કરે છે.
પ્રારંભિક ધ્વનિ વિધિથી શરૂ થતો યોગ પ્રવાહ
આ અભ્યાસની ખાસિયત એ છે કે દરેક સત્ર પહેલાં સૂર્યના 12 પવિત્ર નામોના મંત્રપાઠ સાથે ધ્વનિ વિધિ યોજાય છે. આ પાંચ મિનિટના ગૌણ મંત્રોચ્ચારણથી શરીરમાં ઊર્જા પ્રવાહ સક્રિય થાય છે અને મન-શરીર સંતુલનના એક સ્તરે પહોંચે છે.S.N. ફાઉન્ડેશનના સ્થાપક શ્રી મેરીપેલી પ્રવીણે જણાવ્યું હતું કે, “આ વિધિ માત્ર યોગાસન નહીં પરંતુ આધ્યાત્મિક સંવેદનાને જગાડે છે. દરેક સર્પાકાર ક્રમ પહેલાં મંત્રજાપ દ્વારા આપણું ચિત્ત કેન્દ્રિત થાય છે અને આગામી ચક્ર માટે શરીર તૈયાર થાય છે. એવું કહી શકાય કે દરેક રાઉન્ડનું કેન્દ્રબિંદુ જ આ ધ્વનિ છે.”
14 આસનો સાથે સંપૂર્ણ હલનચલનનો અનુભવ
સાધકો આ યાત્રામાં 14 વિશિષ્ટ આસનોનો અભ્યાસ કરશે – જેમાં શરીરના વિવિધ ભાગો પર કામ થાય છે, જેમ કે પીઠ, પગ, હાથેનું તણાવ, કરોડરજ્જુના વળાંક વગેરે. દિવસની આ આરંભિક યાત્રા માત્ર શારીરિક સ્ફૂર્તિ માટે નથી, પણ આંતરિક શાંતિ અને સ્થિરતા તરફના સચેત પગલાં તરીકે ઉભરી આવી છે.આંતરરાષ્ટ્રીય યોગ દિવસ એક ઔપચારિક ઉજવણી માત્ર નથી – તે પોતાના શરીર અને મન સાથેના સંબંધની પુનઃસ્થાપન યાત્રા છે. અને વડોદરામાં ઉજવાતી આ સર્પાકાર સૂર્ય નમસ્કાર વિધિ, એ યાત્રાને વધુ આત્મસાત, વધુ જીવંત અને વધુ અર્થસભર બનાવે છે.
Reporter: admin
