વડસર બ્રિજ પાસે નિસર્ગ કોમ્પ્લેક્સમાં બનેલી ઘટના
વડસરના વ્યક્તિએ ગિરવે મુકેલા પાયલ છોડાવવા જતા સોનીએ વ્યક્તિને ઢોર માર માર્યો હતો. જેથી વ્યક્તિએ સોનીની વિરુદ્ધમાં માંજલપુર પોલીસ મથકમાં ફરિયાદ નોંધાવી હતી.
વડસર ગામમાં આવેલા ઓડવાળા ફળિયામાં રહેતા દિલીપ પઢીયાર પાન-પડીકીનો ગલ્લો ચલાવીને પોતાના પરિવારનું ગુજરાન ચલાવે છે. માર્ચ મહિનામાં તેઓને રૂપિયાની જરૂર હોવાથી તેઓએ વડસર બ્રિજ પાસે આવેલા નિસર્ગ કોમ્પ્લેક્ષમા આવેલા જીજ્ઞેશ પટેલના આરના જ્વેલર્સની ત્યાં પત્નીના પાયલ ગીરવે મૂકીને 2500 રૂપિયા લીધા હતા. 14 એપ્રિલે તેઓ રૂપિયા લઈને પાયલ છોડવવા ગયા ત્યાં ત્યારે જીજ્ઞેશે રૂપિયા લઈ લીધા હતા અને કાલે આવવા જણાવ્યું હતું કે, કાલે આવજો. જેથી દિલીપભાઈ બીજા દિવસે પાયલ લેવા માટે ગયા હતા.
જ્યારે દિપકભાઈએ પાયલ પાછા માગ્યા ત્યારે જીજ્ઞેશે દિપકભાઈ સાથે ઝઘડો કરવા લાગ્યો હતો અને જણાવ્યું હતું કે, આ લુખ્ખાને હવે રૂપિયા આપવાના નહીં. જેથી દીપકભાઈ વાત કરવા જતા જીજ્ઞેશે અને તેની દુકાનમાં કામ કરતા 1 વ્યક્તિએ ભેગા મળીને દિપકભાઈને ઢોર માર માર્યો હતો. આ દરમિયાન જ દિપકભાઈના પાડોશમાં રહેતા સુજલ ભાલીયા ત્યાં આવી ગયા હતા અને દિપકભાઈને ત્યાંથી લઈ જઈને સારવાર માટે લઈ ગયા હતા. આ બાદ દિપકભાઈએ જીજ્ઞેશ પટેલની સામે માંજલપુર પોલીસ મથકમાં ફરિયાદ નોંધાવી હતી.
Reporter: News Plus
