નવી દિલ્હી : દેશમાં 70 વર્ષથી વધુ વયના નાગરિકો માટે બે માસ પૂર્વે લોન્ચ કરવામાં આવેલા આયુષ્માન વય વંદના કાર્ડને જબ્બર પ્રતિસાદ મળ્યો છે.
જેમાં આરોગ્ય મંત્રાલયના સત્તાવાર આંકડા મુજબ બે માસમાં 25 લાખથી વધુ સિનિયર સિટીઝનો આયુષ્માન વય વંદના કાર્ડ મેળવ્યા છે. આયુષ્માન વય વંદના કાર્ડ 70 વર્ષ અને તેથી વધુ વયના તમામ વરિષ્ઠ નાગરિકોને તેમની સામાજિક-આર્થિક સ્થિતિને ધ્યાનમાં લીધા વિના રુપિયા 5 લાખનું મફત આરોગ્ય કવર પ્રદાન કરે છે. 70 વર્ષ અને તેથી વધુ વયના વરિષ્ઠ નાગરિકો પહેલેથી જ આવરી લેવામાં આવેલા પરિવારો સાથે સંકળાયેલા છે તેઓ પ્રતિ વર્ષ રુપિયા 5 લાખ સુધીનું વધારાનું ટોપ-અપ કવર મેળવે છે.
આયુષ્માન ભારત પ્રધાન મંત્રી જન આરોગ્ય યોજના રુપિયા 5 લાખ સુધીની મફત તબીબી સારવાર પૂરી પાડે છે. પ્રધાન મંત્રી નરેન્દ્ર મોદીએ આયુષ્માન વય વંદના તરીકે યોજનાનો વિસ્તાર કર્યા પછી 70 વર્ષથી વધુ ઉંમરના લોકો પણ આરોગ્ય વીમા સેવાઓ માટે તેનો લાભ લઈ શકે છે. આ વિસ્તરણ 70 વર્ષથી વધુ ઉંમરના લોકો માટે છે. તેની જાહેરાતના બે મહિનામાં લગભગ 25 લાખ નવા લાભાર્થીઓ યોજનામાં જોડાયા છે.
Reporter: admin
