દેશમાં દિવાળીના તહેવારો ધામધૂમથી બાદ ધીમેધીમે શિયાળીની સિઝન જામતી જાય છે.
આ ઉપરાંત લગ્નસરા શરૂ થઈ ચુક્યો છે. જેથી ઘરે મહેમાનો અને લગ્નોમાં જમણવાર થતા રહે છે. જેના લીધે મોટાપાયે શાકભાજી અને દાળમાં ડુંગળીનો ભારે વપરાશ થતો હોય છે. એક સમયે ડુંગળીનો ભાવ 80 રૂપિયા કિલો સુધી પહોંચી ગયો હતો. જે બાદ લોકોને ડુંગળીનો વપરાશ ઓછો કરી દીધો હતો.હવે લોકો માટે સારી ખબર આવી રહી છે. આગામી દિવસોમાં ડુંગળીના ભાવમાં ઘણો ઘટાડો થવાનો છે. જેનાથી લગ્ન અને બીજા પ્રસંગોમાં લોકોને સારી એવી રાહત મળવાની છે. આ ઉપરાંત જે લોકો છૂટક એક કિલો કે બે કિલો ડુંગળી ખરીદતા હોય છે તેને પણ નફો થવાનો છે. અત્યારે દેશની રાજધાની દિલ્હી-એનસીઆરમાં ડુંગળીની કિંમત 60થી 70 રૂપિયાની વચ્ચે છે, પરંતુ થોડા દિવસો પહેલા સુધી આ કિંમત 80 રૂપિયા સુધી હતી. નિષ્ણાતોના મતે આગામી દિવસોમાં ડુંગળીના ભાવમાં 10 થી 15 રૂપિયાનો ઘટાડો થઈ શકે છે.
દેશમાં ડુંગળીના બે પાક છે, જેમાં પહેલો પાક નવેમ્બરથી જાન્યુઆરી વચ્ચે અને બીજો પાક જાન્યુઆરીથી મે વચ્ચે લેવામાં આવે છે. હવે દિવાળી અને છઠ પછી મજૂરો ખેતરોમાં પાછા ફરવા લાગ્યા છે. આવી સ્થિતિમાં નવેમ્બર અને જાન્યુઆરી વચ્ચે જે પાક લેવાનો છે તે શરૂ થઈ ગયો છે અને બજારોમાં ડુંગળીનો જથ્થો વધવા લાગ્યો છે. તેથી, તમારે આગામી એક કે બે અઠવાડિયા સુધી જ મોંઘી ડુંગળી ખાવી પડશે.માત્ર ભારતમાં જ નહીં પરંતુ એશિયામાં ડુંગળીનું સૌથી મોટું બજાર મહારાષ્ટ્રના નાસિક જિલ્લાના લાસલગાંવમાં છે. અહીંથી દેશભરના બજારોમાં મોટા પાયે ડુંગળી સપ્લાય કરવામાં આવે છે. તમને જણાવી દઈએ કે દેશમાં મહારાષ્ટ્ર, કર્ણાટક, ગુજરાત, બિહાર, મધ્યપ્રદેશ અને આંધ્રપ્રદેશમાં ડુંગળીનું સારું ઉત્પાદન થાય છે.
Reporter: admin
