વડોદરા : રાજપીપળા નજીક ફૂલવાડી ગામ પાસે નદીમાં યુવક માછલી પકડવા ગયો હતો.
મગરો જડબામાં જકડી યુવકને નદીમાં લઈ ગયા હતા. મગર માણસને ખેંચી ગયો હોવાનો કોલ વડોદરા ફાયર એન્ડ ઇમર્જન્સી વિભાગને મળ્યો હતો. બાદમાં ઇઆરસી ફાયર સ્ટેશન અને ડભોઈ ફાયર વિભાગની મદદ લઈ રેસ્ક્યુની કામગીરી હાથ ધરવામાં આવી હતી. બે કલાકની ભારે જહેમત બાદ યુવકનો મૃતદેહ હાથ લાગ્યો હતો. ફાયરની ટીમ જ્યારે પહોંચી ત્યારે 10 મગરો નદીમાં આંટા મારી રહ્યા હતા. જેથી રેસ્ક્યુની કામગીરીમાં અડચણરૂપ બની રહ્યા હતા. ફાયર વિભાગને કોલ મળતા જ ટીમ દોડી ગઈ હતી.
આ અંગે રેસ્ક્યુ કામગીરી કરનાર ફાયર વિભાગના જવાન પ્રભાતભાઈ રોહિતે જણાવ્યું હતું કે, ફાયર વિભાગને કોલ મળ્યો હતો કે, કોઈ વ્યક્તિને મગર પાણીમાં ખેંચી ગયો છે. કોલ મળતાની સાથે જ તાત્કાલિક ફાયરની ટીમ સાથે ડભોઈ ફાયરની મદદ લઈ અમે આ વ્યક્તિની શોધખોળ હાથ ધરી હતી.
Reporter: News Plus
