નવી દિલ્હી : કેન્દ્રએ ભારતના આગામી મુખ્ય ન્યાયાધીશ તરીકે ન્યાયાધીશ સંજીવ ખન્નાની નિમણૂકની સૂચના આપી છે, જે 11મી નવેમ્બરથી લાગુ થશે.
તેમની નિમણૂક વર્તમાન મુખ્ય ન્યાયાધીશ ડીવાય ચંદ્રચુડની નિવૃત્તિ બાદ કરવામાં આવી છે.જસ્ટિસ સંજીવ ખન્નાએ જાન્યુઆરી 2019માં સુપ્રીમ કોર્ટમાં જજ તરીકે તેમની નિમણુક પહેલાં કોઈ પણ હાઈકોર્ટના ચીફ જસ્ટિસ તરીકે સેવા આપી ન હતી. જસ્ટિસ ખન્નાએ દિલ્હીના પૂર્વ મુખ્યમંત્રી અરવિંદ કેજરીવાલને લોકસભા ચૂંટણી દરમિયાન પ્રચાર કરવા બદલ વચગાળાના જામીન આપ્યા હતા.
જસ્ટિસ ખન્નાએ ઇવીએમમાં પડેલા મતોની 100% વીવીપીએટી ચકાસણીની વિનંતીને ફગાવી દીધી હતી.તેઓ આ કેસમાં બેન્ચનું નેતૃત્વ કરી રહ્યા હતા.જસ્ટિસ ખન્ના ચૂંટણી બોન્ડ કેસમાં પાંચ ન્યાયાધીશોની બેન્ચનો ભાગ હતા. આ ખંડપીઠે ચૂંટણી બોન્ડ યોજનાને ગેરબંધારણીય જાહેર કરી હતી.જસ્ટિસ ખન્ના કલમ 370 નાબૂદ કરવાને યોગ્ય ઠેરવનારી પાંચ જજની બેન્ચનો પણ ભાગ હતા.
Reporter: admin
