ભારતની અર્થવ્યવસ્થા માટે મોટી ખુશખબર સામે આવી છે. જાપાનની ક્રેડિટ રેટિંગ એજન્સી **Japan Credit Rating Agency (JCR)**એ ભારતની સોવરેન ક્રેડિટ રેટિંગ BBB+થી વધારીને A- કરી છે. એજન્સીએ ભારત માટે Stable Outlook પણ જાળવી રાખ્યું છે.
JCRના જણાવ્યા અનુસાર ભારતની મજબૂત આર્થિક વૃદ્ધિ, સ્થાનિક વપરાશ, સતત જાહેર રોકાણ અને નાણાકીય ક્ષેત્રમાં થયેલા સુધારા રેટિંગ વધારવાના મુખ્ય કારણો છે. એજન્સીના મતે ભારતીય અર્થવ્યવસ્થા મજબૂત ગતિએ આગળ વધી રહી છે.
આ ઉપરાંત સરકાર દ્વારા કરવામાં આવેલા GST સુધારા, ઇન્સોલ્વન્સી એન્ડ બેન્કરપ્સી કોડ (IBC) અને ડિજિટલ પબ્લિક ઇન્ફ્રાસ્ટ્રક્ચર જેવા પ્રયાસોને પણ અર્થવ્યવસ્થાને મજબૂત બનાવનારા પગલાં ગણાવવામાં આવ્યા છે. બેન્કિંગ ક્ષેત્રની સ્થિતિમાં થયેલા સુધારાને પણ રેટિંગ અપગ્રેડમાં મહત્વપૂર્ણ માનવામાં આવ્યો છે.
રેટિંગમાં આ સુધારો આંતરરાષ્ટ્રીય સ્તરે ભારતની આર્થિક સ્થિરતા અને વિકાસ ક્ષમતા પર વધી રહેલા વિશ્વાસને દર્શાવે છે. આ પગલાથી વિદેશી રોકાણકારો વચ્ચે ભારતની નાણાકીય વિશ્વસનીયતા વધુ મજબૂત થવાની આશા છે.
Reporter: admin
