નાઈજીરિયાના લાગોસમાં આયોજિત કોમનવેલ્થ ફેન્સિંગ ચેમ્પિયનશિપ 2026માં ભારતીય ફેન્સિંગ ટીમે શાનદાર પ્રદર્શન કરીને પ્રથમ વખત ઓવરઓલ ચેમ્પિયનશિપનો ખિતાબ પોતાના નામે કર્યો છે. ચાર દિવસ સુધી ચાલેલી આ સ્પર્ધામાં ભારતે અંડર-23 અને સિનિયર વર્ગને મળીને કુલ 35 મેડલ જીત્યા, જેમાં 13 ગોલ્ડ, 8 સિલ્વર અને 14 બ્રોન્ઝ મેડલનો સમાવેશ થાય છે. આ શાનદાર પ્રદર્શન સાથે ભારત મેડલ ટેલીમાં ટોચના સ્થાને રહ્યું અને પ્રતિષ્ઠિત વિલ્કિન્સન સ્વોર્ડ ટ્રોફી પોતાના નામે કરી.
સિનિયર ટીમ ઇવેન્ટ્સમાં પણ ભારતીય ખેલાડીઓનો દબદબો જોવા મળ્યો. છ ટીમ મુકાબલામાં ભારતે પાંચમાં ગોલ્ડ મેડલ જીત્યા. ભારતીય ટીમે મેન્સ સેબર, વિમેન્સ સેબર, મેન્સ એપી, વિમેન્સ એપી અને વિમેન્સ ફોઇલમાં સુવર્ણ ચંદ્રક મેળવ્યા, જ્યારે મેન્સ ફોઇલમાં સિલ્વર મેડલ મળ્યો.
વિલ્કિન્સન સ્વોર્ડ ટ્રોફી કોમનવેલ્થ ફેન્સિંગ ફેડરેશન દ્વારા વર્ષ 1982થી સ્પર્ધામાં સર્વશ્રેષ્ઠ ઓવરઓલ પ્રદર્શન કરનાર દેશને આપવામાં આવે છે. ભારતની આ સિદ્ધિ દેશમાં ફેન્સિંગના વધતા સ્તર અને ખેલાડીઓની આંતરરાષ્ટ્રીય ક્ષમતાને દર્શાવે છે.
સ્પર્ધાના પ્રથમ દિવસે અંડર-23 ખેલાડીઓએ શાનદાર પ્રદર્શન કરીને ભારતની ઝોળીમાં 17 મેડલ ઉમેર્યા. તેમાં ચાર ગોલ્ડ, ચાર સિલ્વર અને નવ બ્રોન્ઝ મેડલનો સમાવેશ થાય છે. મેન્સ સેબરમાં નિખિલ વાઘની આગેવાની હેઠળ ભારતીય ખેલાડીઓએ પોડિયમ પર ક્લીન સ્વીપ કર્યું. આ ઉપરાંત જૉયસ અશિતા, પ્રાચી લોહાન અને જેફરલિને પણ પોતાના-પોતાના ઇવેન્ટમાં ગોલ્ડ મેડલ જીત્યા.
બીજા દિવસે સિનિયર વ્યક્તિગત મુકાબલામાં ભારતે સાત મેડલ જીત્યા, જેમાં એક ગોલ્ડ, બે સિલ્વર અને ચાર બ્રોન્ઝ મેડલ સામેલ રહ્યા. સિનિયર વિમેન્સ એપીમાં તનિષ્કા ખત્રી અને ખુશી દાભાડેએ ગોલ્ડ અને સિલ્વર મેડલ જીતીને શાનદાર પ્રદર્શન કર્યું.
બીજા દિવસે સિનિયર વ્યક્તિગત મુકાબલામાં ભારતે સાત મેડલ જીત્યા, જેમાં એક ગોલ્ડ, બે સિલ્વર અને ચાર બ્રોન્ઝ મેડલ સામેલ રહ્યા. સિનિયર વિમેન્સ એપીમાં તનિષ્કા ખત્રી અને ખુશી દાભાડેએ ગોલ્ડ અને સિલ્વર મેડલ જીતીને શાનદાર પ્રદર્શન કર્યું.
ત્રીજા દિવસે ભારતે ત્રણ ગોલ્ડ સહિત વધુ પાંચ મેડલ જીત્યા. કનાગલક્ષ્મીએ સિનિયર વિમેન્સ ફોઇલ, રાજેન્દ્રન શાંતિમોલી શેર્જિને સિનિયર મેન્સ એપી અને સિંહ કરણ સિંહે સિનિયર મેન્સ સેબરમાં ગોલ્ડ મેડલ જીતીને ભારતની સ્થિતિ વધુ મજબૂત કરી.
ભારતીય ટીમની સફળતામાં કોચ ભરતજી ઠાકોર, શ્રીહરી પિસે અને શંકર નારાયણનની વ્યૂહાત્મક ભૂમિકા મહત્વપૂર્ણ રહી. ફિઝિયોથેરાપિસ્ટ અમૃતા બાલાકાવાડે અને ટીમ મેનેજર મનુ ત્યાગીએ પણ ખેલાડીઓની ફિટનેસ અને ટીમ મેનેજમેન્ટમાં મહત્વપૂર્ણ યોગદાન આપ્યું.
ફેન્સિંગ એસોસિએશન ઑફ ઈન્ડિયાના સેક્રેટરી જનરલ રાજીવ મહેતાએ સમગ્ર ટીમને આ ઐતિહાસિક સિદ્ધિ બદલ અભિનંદન પાઠવ્યા. તેમણે જણાવ્યું કે ખેલાડીઓ, કોચ અને સપોર્ટ સ્ટાફની મહેનતના કારણે ભારત પ્રથમ વખત કોમનવેલ્થ ઓવરઓલ ચેમ્પિયન બન્યું છે. આ જીતથી ભારતીય ફેન્સર્સનો આત્મવિશ્વાસ વધશે અને આગામી આંતરરાષ્ટ્રીય સ્પર્ધાઓ માટે ટીમને નવી ઊર્જા મળશે.
ફેન્સિંગ એસોસિએશન ઑફ ઈન્ડિયાના સેક્રેટરી જનરલ રાજીવ મહેતાએ સમગ્ર ટીમને આ ઐતિહાસિક સિદ્ધિ બદલ અભિનંદન પાઠવ્યા. તેમણે જણાવ્યું કે ખેલાડીઓ, કોચ અને સપોર્ટ સ્ટાફની મહેનતના કારણે ભારત પ્રથમ વખત કોમનવેલ્થ ઓવરઓલ ચેમ્પિયન બન્યું છે. આ જીતથી ભારતીય ફેન્સર્સનો આત્મવિશ્વાસ વધશે અને આગામી આંતરરાષ્ટ્રીય સ્પર્ધાઓ માટે ટીમને નવી ઊર્જા મળશે.
Reporter: admin
