પાટણ : ચાણસ્મા હાઈવે પર ગમખ્વાર અકસ્માતની ઘટના સર્જાઈ છે. જેમાં એક જ પરિવારના ચાર લોકોના મોત થયા હોવાનું સામે આવ્યું. 

સમગ્ર ઘટનાને લઈને સ્થાનિક પોલીસ ઘટના સ્થળે પહોંચીને આગળની કાર્યવાહી હાથ ધરી છે.પાટણના ચાણસ્મા હાઈવે પર રામગઢ પાટિયા પાસે અલ્ટો કાર-છોટા હાથી ગંભીર અકસ્માત સર્જાયો છે. આ અકસ્માતની ઘટનામાં કાંકરેજ તાલુકાના ચાર લોકોના મોત થયા હોવાનું જાણવા મળ્યું છે. જેમાં એક જ પરિવારના ત્રણ મહિલા અને એક પુરુષનું મોત થતાં પરિવારમાં શોકનો માહોલ ફેલાયો છે. 

જ્યારે અકસ્માતમાં એક જ સાથે ચાર લોકોના મોત થતાં અરેરાટી વ્યાપી ગઈ છે.મળતી માહિતી પ્રમાણે, બનાસકાંઠાથી એક પરિવાર પોતાની અલ્ટો કાર લઈને જતી વખતે રામગઢ પાટિયા નજીક પૂરઝડપે અને ગફલત ભરી રીતે આવી રહેલા છોટા હાથીના ચાલકે કારને ટક્કર મારતા અકસ્માત સર્જાયો હતો. જેમાં એક પરિવારના પતિ-પત્ની અને બે પુત્રોનું મોત નીપજ્યું છે.

Reporter: admin