વડોદરા શહેરના મકરપુરા પોલીસ સ્ટેશન ખાતે હિતાચી એનર્જી ઈન્ડિયા લિમિટેડના કોર્પોરેટ સોશિયલ રિસ્પોન્સિબિલિટી (CSR) ફંડ હેઠળ વિકસાવવામાં આવેલી વિવિધ આધુનિક સુવિધાઓનું ઉદ્ઘાટન કરવામાં આવ્યું. વર્ષ 2024માં અત્યાધુનિક સ્વરૂપ પામેલું મકરપુરા પોલીસ સ્ટેશન ગુના નિવારણ, તપાસ અને નાગરિક સેવાઓ માટે શહેરના મહત્વના પોલીસ મથકોમાં સ્થાન ધરાવે છે.
પોલીસ સ્ટેશનમાં આવતાં નાગરિકોને વધુ સારી અને સુવિધાજનક સેવાઓ મળી રહે તે હેતુથી હિતાચી એનર્જી ઈન્ડિયા લિમિટેડે પોતાના CSR ફંડમાંથી જરૂરી વિકાસ કાર્યો હાથ ધર્યા હતા. આ અંતર્ગત સમગ્ર પોલીસ સ્ટેશન પરિસરમાં ગ્રીન કોરિડોર, સુંદર લોન, સુવ્યવસ્થિત પાર્કિંગ વ્યવસ્થા તેમજ અન્ય જરૂરી સુવિધાઓનું નિર્માણ કરવામાં આવ્યું છે.
Reporter: admin
