ભારતીય બુલિયન માર્કેટમાં 13 ઓગસ્ટ 2026ના રોજ સોના અને ચાંદીના ભાવમાં ઘટાડો નોંધાયો હતો. નબળી સ્પોટ ડિમાન્ડ અને રોકાણકારો દ્વારા પ્રોફિટ બુકિંગના કારણે બંને કિંમતી ધાતુઓના ભાવ પર દબાણ જોવા મળ્યું.
સોનાના ભાવમાં ઘટાડો: MCX પર ઓક્ટોબર ડિલિવરીનું સોનું ₹437 એટલે કે 0.28 ટકા ઘટીને ₹1,54,445 પ્રતિ 10 ગ્રામ પર પહોંચી ગયું. જ્યારે આંતરરાષ્ટ્રીય બજારમાં COMEX સોનાના વાયદાના ભાવમાં 0.31 ટકાનો ઘટાડો નોંધાયો અને તે $4,394.57 પ્રતિ ઔંસ પર ટ્રેડ થઈ રહ્યું હતું.
ચાંદી પણ સસ્તી થઈ: સપ્ટેમ્બર ડિલિવરીની MCX ચાંદી ₹836 એટલે કે 0.35 ટકા ઘટીને ₹2,36,999 પ્રતિ કિલોગ્રામ પર આવી ગઈ. આ ટ્રેડિંગ સેશન દરમિયાન કુલ 857 લોટના સોદા થયા.
બજાર નિષ્ણાતોના જણાવ્યા મુજબ, ઊંચા ભાવને કારણે સ્થાનિક બજારમાં ગ્રાહકોની માંગ નબળી રહી છે. બીજી તરફ, ચાંદીમાં રોકાણકારો દ્વારા પ્રોફિટ બુકિંગને કારણે પણ ભાવ પર દબાણ જોવા મળ્યું.
Reporter: admin
