છત્તીસગઢના બેમેતેરા જિલ્લામાં એક દારૂગોળાની ફેક્ટરીમાં પ્રચંડ ધડાકાની ઘટના બની છે. આ ઘટના થી વિસ્તારમાં હાહાકાર મચી ગયો છે.
આ દુર્ઘટનામાં અંદાજે 10થી 12 લોકોના મોતનની શક્યતા છે.પ્રાપ્ત માહિતી અનુસાર દારૂગોળાની ફેક્ટરીમાં બ્લાસ્ટ બાદ અનેક લોકો કાટમાળ નીચે પણ દટાઈ ગયેલા હોવાનું અનુમાન છે. આ ઘટના બેરલા બ્લોકના બોરસીમાં બની હોવાની જાણકારી મળી છે.આ ઘટનાની માહિતી મળતા જ પોલીસ અને સ્થાનિક તંત્રની ટીમ ઘટના સ્થળે પહોંચી ગઈ હતી.
હાલ ફેક્ટરીમાંથી ઈજાગ્રસ્તોને બહાર કાઢવાની કામગીરી ચાલી રહી છે. કેટલાક ઈજાગ્રસ્તોને સારવાર માટે રાયપુર લઈ જવામાં આવ્યા છે. બેરલા બ્લોકના બોરસી ગામમાં આ ઘટના બની છે.આ ફેક્ટરીમાં વિસ્ફોટ થવા પાછળના કારણની તપાસ શરૂ કરવામાં આવી રહી છે. લોકોને વિસ્ફોટ થયો તે વિસ્તારથી દૂર કરવામાં આવી રહ્યા છે. બેમેતરા આ દારૂગોળાની ફેક્ટરી ખુબ જ વિશાળ વિસ્તારમાં ફેલાયેલી છે. વિસ્ફોટ બાદ આસપાસના વિસ્તારના ગ્રામજનોમાં ભયનો માહોલ સર્જાયો છે.
Reporter: News Plus
