દિલ્હી-જયપુર વચ્ચે મુસાફરી કરતા લાખો લોકો માટે રાહતના સમાચાર છે. નેશનલ હાઈવે-48 (NH-48) પર ટ્રાફિક જામની સમસ્યા ઘટાડવા માટે માનેસરથી ધારૂહેડા વચ્ચે પાંચ મોટા ફ્લાયઓવર બનાવવામાં આવી રહ્યા છે. ફ્લાયઓવરનું કામ પૂર્ણ થયા બાદ હાઈવે પર વાહનવ્યવહાર સરળ બનશે અને મુસાફરીનો સમય પણ ઘટવાની આશા છે.
રૂ.282 કરોડના ખર્ચે નિર્માણ
NHAIના જણાવ્યા મુજબ, આ પ્રોજેક્ટ પાછળ અંદાજે રૂ.282 કરોડનો ખર્ચ કરવામાં આવી રહ્યો છે. ફ્લાયઓવરની લંબાઈ લગભગ 800થી 900 મીટર હશે અને બંને દિશામાં ત્રણ-ત્રણ લેન બનાવવામાં આવશે. આથી ભારે વાહનો તેમજ ખાનગી વાહનોને અવરોધ વિના અવરજવર કરવામાં મદદ મળશે.
માનેસર-ધારૂહેડા કોરિડોરના બિલાસપુર, સાલ્હાવાસ, ધારૂહેડા અને રાઠીવાસ વિસ્તારોમાં લાંબા સમયથી ટ્રાફિક જામની સમસ્યા છે. ફ્લાયઓવર બન્યા બાદ આ વિસ્તારોમાં ટ્રાફિકનું દબાણ ઘટવાની આશા છે.
માનેસર-ધારૂહેડા કોરિડોરના બિલાસપુર, સાલ્હાવાસ, ધારૂહેડા અને રાઠીવાસ વિસ્તારોમાં લાંબા સમયથી ટ્રાફિક જામની સમસ્યા છે. ફ્લાયઓવર બન્યા બાદ આ વિસ્તારોમાં ટ્રાફિકનું દબાણ ઘટવાની આશા છે.
2026-27માં પ્રોજેક્ટ પૂર્ણ થવાની આશા
મળતી માહિતી મુજબ, બિલાસપુર ફ્લાયઓવર ઓક્ટોબર 2026 સુધીમાં પૂર્ણ થઈ શકે છે. જ્યારે માનેસર એલિવેટેડ કોરિડોરને 31 મે 2027 સુધીમાં પૂર્ણ કરવાનો લક્ષ્યાંક રાખવામાં આવ્યો છે. તેની કોન્ટ્રાક્ટ મુજબની અંતિમ સમયમર્યાદા 21 સપ્ટેમ્બર 2027 છે.
તમામ પ્રોજેક્ટ પૂર્ણ થયા બાદ દિલ્હી-જયપુર કોરિડોર પર હાઈ-સ્પીડ કનેક્ટિવિટી વધુ સારી બનશે અને દિલ્હીથી જયપુરનો પ્રવાસ લગભગ ત્રણ કલાકમાં પૂર્ણ થવાની આશા છે.
તમામ પ્રોજેક્ટ પૂર્ણ થયા બાદ દિલ્હી-જયપુર કોરિડોર પર હાઈ-સ્પીડ કનેક્ટિવિટી વધુ સારી બનશે અને દિલ્હીથી જયપુરનો પ્રવાસ લગભગ ત્રણ કલાકમાં પૂર્ણ થવાની આશા છે.
Reporter: admin
