સિનેમા જોવાના શોખીનો માટે ખાસ ખુશ ખબર છે.31 મેના રોજ હવે તમે માત્ર 99 રૂપિયામાં મુવી જોઈ શકશો.આવતીકાલે સિનેમા લવર્સ ડે પર મલ્ટીપ્લેક્સ એસોસિએશન ઓફ ઈન્ડિયાએ થિયેટર્સમાં ફિલ્મની ટિકિટ ઘટાડીને માત્ર 99 રૂપિયા કરી દીધી છે.
છેલ્લા કેટલાક સમયથી ફિલ્મોને જોઈએ એટલો રિસ્પોન્સ મળતો નથી. ખાસ કરીને વર્ષના પહેલા ક્વાર્ટરમાં હિન્દી અને અન્ય ભાષાની ફિલ્મોને ઘણી નિષ્ફળતાનો સામનો કરવો પડ્યો છે. હોલીવુડ રિલીઝની ઓછી સંખ્યાએ પણ ટિકિટના વેચાણને નોંધપાત્ર રીતે અસર કરી છે. ઉપરાંત ચૂંટણીના કારણે નવી ફિલ્મોને અસર થઈ રહી છે. દરમિયાન સિનેમા લવર્સ દે ઉપર વિવિધ મલ્ટીપ્લેક્ષ સિનેમા ખાસ ઓફર લાવી રહ્યા છે જેમાં PVR-INOX, CINEPOLIS, MIRAJ, CITYPRIDE, ASIAN, MUKTA A2, MOVIE TIME, MOVIEMAX જેવા મોટા નામો દેખાયા છે.
આ તમામે 31 મે ના રોજ માત્ર 99 રૂપિયામાં ટિકિટ આપવાનું નક્કી કર્યું છે.ટિકિટ બુક કરાવવા PVR અથવા INOX ની વેબસાઇટની મુલાકાત લો,પછી તમારી પસંદગીની મૂવી અને શોનો સમય પસંદ કરો,ત્યારબાદ તમે 99 રૂપિયામાં ટિકિટ બુક કરાવી શકો છો. જો તમે ઑફલાઇન પણ ટિકિટ ખરીદવા માંગો છો, તો તમને તે પણ મળશે.સારી વાત એ છે કે તમે 99 રૂપિયામાં ધર્મા પ્રોડક્શનની 'મિસ્ટર એન્ડ મિસિસ માહી' ફિલ્મની ટિકિટ પણ ખરીદી શકશો.
Reporter: News Plus
