24 ટીમો, 10 દિવસ, એક જ જુસ્સો – SPL 2026 બન્યું યાદગાર.
SPL – 2026 : Savita Premiere League (Box Cricket Tournament)
Savita Superspeciality Hospital ના ડો. મિતેશ શાહ તથા તેઓની ટીમ દ્વારા આયોજિત “SPL – 2026” (Savita Premiere League) બોક્સ ક્રિકેટ ટુર્નામેન્ટનો ભવ્ય, ઉત્સાહભર્યો અને યાદગાર સમાપન થયો છે. 10 દિવસ સુધી ચાલેલ આ વિશિષ્ટ સ્પોર્ટ્સ મહોત્સવે મેડિકલ જગતમાં નવી ઊર્જા અને એકતાનો સંદેશ પ્રસરાવ્યો છે.આ પ્રતિષ્ઠિત ટુર્નામેન્ટમાં કુલ 24 ટીમો – જેમાં વિવિધ સુપરસ્પેશિયાલિટી ડૉક્ટર્સ, સર્જન્સ, ફિઝિશિયન તથા અન્ય તબીબી વ્યાવસાયિકોનો સમાવેશ થાય છે – એ ક્રિકેટના મેદાન પર પોતાની પ્રતિભા, ખેલદિલી અને ટીમ સ્પિરિટનું ઉત્કૃષ્ટ પ્રદર્શન કર્યું હતું.દરરોજ રમાયેલા રોમાંચક મુકાબલાઓ, છેલ્લી બોલ સુધી ચાલેલા થ્રિલિંગ ફિનિશ અને ખેલાડીઓનો જુસ્સો દર્શકો માટે અનોખો અનુભવ રહ્યો હતો. હોસ્પિટલના વ્યસ્ત સમયપત્રક વચ્ચે રમતગમત માટે સમય કાઢીને તબીબોએ “Work-Life Balance” નો પ્રેરણાદાયી સંદેશ આપ્યો.
SPL – 2026” માત્ર ક્રિકેટ ટુર્નામેન્ટ નહોતું, પરંતુ મેડિકલ સમુદાયને એકતા, સહકાર અને સ્વસ્થ જીવનશૈલી તરફ દોરી જતું એક પ્રેરણાસ્ત્રોત બન્યું છે. આ આયોજન દ્વારા આરોગ્યસેવા આપતા યોદ્ધાઓએ સાબિત કર્યું કે તેઓ માત્ર ઓપરેશન થિયેટર અને ક્લિનિકમાં જ નહીં, પરંતુ ક્રિકેટના મેદાન પર પણ ચેમ્પિયન છે.
SPL – 2026: જ્યાં ડૉક્ટર્સ બન્યા ક્રિકેટ ચેમ્પિયન્સ!
Reporter:
