દેશભરમાં આજે, રવિવારથી ‘હર ઘર તિરંગા’ અભિયાનની શરૂઆત થઈ રહી છે. વડાપ્રધાન નરેન્દ્ર મોદીના નેતૃત્વમાં વર્ષ 2022માં શરૂ થયેલું આ અભિયાન હવે દેશભક્તિ અને જનભાગીદારીનું વ્યાપક જનઆંદોલન બની ગયું છે. આ વર્ષે 9થી 17 ઓગસ્ટ સુધી આ અભિયાન યોજાશે.
ઉત્તર પ્રદેશની રાજધાની લખનઉમાં મુખ્યમંત્રી યોગી આદિત્યનાથ **‘તિરંગા યાત્રા-યુવાનો સાથે’**નો પ્રારંભ કરશે. તેઓ કાકોરી ટ્રેન એક્શનની શતાબ્દી ઉજવણીમાં પણ ભાગ લઈ વીર ક્રાંતિકારીઓને શ્રદ્ધાંજલિ આપશે. આ ઉપરાંત, સિદ્ધાર્થનગરમાં 311 કરોડ રૂપિયાથી વધુની 107 વિકાસલક્ષી યોજનાઓનું લોકાર્પણ અને શિલાન્યાસ પણ કરશે.
રાજસ્થાનના મુખ્યમંત્રી ભજનલાલ શર્માએ લોકોને પોતાના ઘર, પ્રતિષ્ઠાન અને સંસ્થાઓ પર સન્માનપૂર્વક તિરંગો ફરકાવવાની અપીલ કરી છે. તેમણે ‘હર ઘર તિરંગા’ વેબસાઇટ પર તિરંગા સાથેની સેલ્ફી અપલોડ કરીને અભિયાનમાં જોડાવા પણ જણાવ્યું છે.
મધ્ય પ્રદેશના મુખ્યમંત્રી મોહન યાદવે પણ લોકોને આ અભિયાન સાથે જોડાઈને તેને દેશભક્તિના પર્વ તરીકે ઉજવવા અપીલ કરી છે.
હરિયાણામાં ‘હર ઘર તિરંગા’ અંતર્ગત **‘યુથ મેરેથોન અને વંદે માતરમ કોન્સર્ટ’**નું આયોજન કરવામાં આવ્યું છે, જેમાં મુખ્યમંત્રી નાયબ સિંહ સૈની પણ ભાગ લેશે.
Reporter: admin
