રાંચીઃ ઝારખંડ હાઈકોર્ટે શુક્રવારે પૂર્વ મુખ્ય પ્રધાન હેમંત સોરેનને જમીન કૌભાંડ સાથે જોડાયેલા મની લોન્ડરિંગ કેસમાં જામીન આપ્યા હતા.
કેસની તપાસના ભાગરૂપે એન્ફોર્સમેન્ટ ડિરેક્ટોરેટ દ્વારા સોરેન, IAS અધિકારી અને રાંચીના ભૂતપૂર્વ ડેપ્યુટી કમિશનર છવી રંજન, ભાનુ પ્રતાપ પ્રસાદ અને અન્ય સહિત 25 થી વધુ લોકોની ધરપકડ કરી હતી.
સોરેને તેમની સામેના જમીન કબજે કરવાના આરોપોને ભારપૂર્વક નકારી કાઢ્યા હતા, અને કહ્યું હતું કે તેમની સામે મની લોન્ડરિંગનો કેસ ભાજપની આગેવાની હેઠળની કેન્દ્ર સરકાર દ્વારા રાજકીય બદલો લેવાના ભાગરૂપે કરવામાં આવ્યો હતો.
તેમણે ઝારખંડના મુખ્યપ્રધાન પદેથી રાજીનામું આપ્યાની થોડી જ મિનિટોમાં રાંચી રાજભવનમાંથી 31 જાન્યુઆરીએ તેમની ધરપકડ કરવામાં આવી હતી.
22 જૂનના રોજ, એન્ફોર્સમેન્ટ ડિરેક્ટોરેટે સોરેન અને અન્યો સામે કથિત જમીન હડપ-સંબંધિત મની લોન્ડરિંગ તપાસના ભાગરૂપે રાંચીમાં દરોડા પાડીને રૂ. 1 કરોડ રોકડા અને 100 જીવંત કારતૂસ જપ્ત કર્યા હતા.
Reporter: News Plus
