વડોદરાના સયાજીગંજ પોલીસ સ્ટેશનમાં ફરજ બજાવતા હેડ કોન્સ્ટેબલ દિપકભાઈ જબ્બરસિંહએ તેમનાજ પોલીસ સ્ટેશનમાં ફરિયાદ નોંધાવી છે. ફરિયાદ અનુસાર ગત રોજ તેઓને વર્ધિ મળી હતી કે, MSU બોયઝ હોસ્ટેલના ગેટ બહાર કેટલાક શખ્સો મારામારી કરી રહ્યા છે. જેથી તેઓ પોતાના સ્ટાફ સાથે સ્થળ પર પહોંચ્યા હતા. જ્યાં મારા મારી કરી રહેલા યુવકો પૈકી એકે પોતાનું બાઈક રસ્તા પર અડચણરૂપ થાય તે રીતે પાર્ક હતું.
જેથી મારા મારી કરી રહેલા યુવકો પૈકીના એકને તેઓએ પૂછ્યું કે શું થયું છે અને બાઈક કેમ આ રીતે પાર્ક કર્યું છે, આટલું કહેતા ધ્રુવીલ દવે નામનો યુવક એકાએક ઉશ્કેરાઈ ગયો, જેથી દીપકભાઈએ પોતે પોલીસ હોવાની ઓળખ આપતા, પોલીસ છો તો શું થયું, શુ કરી લેશો તેમ કહી ફેટ પકડી માર મારવા લાગ્યો અને પોલીસ કર્મી હોવાનું જાણવા છતાં તેઓને રસ્તા પર પડી દઈ અન્ય સાગરીતોને બોલાવી લાતો અને ગડદાપાટુનો માર માર્યો હતો.જોકે આ દરમિયાન સયાજીગંજ પોલીસનો અન્ય સ્ટાફ દોડી આવ્યો અને પોલીસ કર્મી ઉપર હુમલો કરનાર ધ્રુવીલ લાલીતભાઈ પટેલ, પ્રદમસિંહ ઇન્દ્રજીતસિંહ સોઢા (રહે. મહર્ષિ હોલ, MSU) અને યશરાજસિંહ જયરાજસિંહ વાળા (રહે. ગેંડા સર્કલ મૂળ રાજકોટ) નાઓની અટકાયત કરી તેમની સામે IPC કલમ 323, 332, 186, 294(b), 114 હેઠળ ગુનો નોંધી તેમની સામે કાર્યવાહી હાથ ધરવામાં આવી હતી.
Reporter: News Plus
